WFP oo ka digtay Khatarta xeebah Somaliya

Barnaamijka cuntada ee WFP ayaa warsaxaadeed ay ka soo saareen Nairobi waxa ay kaga digeen falalka afduubka ah ee ku sii kordhaya xeebaha Soomaaliya oo ay sheegay in taasi ay caqabad ku noqonayso howlaha bani’aadnimo ee lagu gargaarayo nus milyan Soomaali ah oo cuno yari baahsan ay ka soo deristay.

Agaasimaha WFP ee Soomaaliya Zlatan Milisic, ayaa sheegay in hay’adiisa iyo hay’ado kale oo ay howl-wadaag yihiin ay si qoto dheer uga walaacsan yihiin xaalada bani’aadnimo ee sii xumaanaysa ee ka jirta koonfurta Soomaaliya, sidaas awgeedna ay tahay buu yiri in iminka aynu dardargelino sidii dalka Soomaaliya meelha ugu liita loo gaarsiin lahaa cunto, inakstoo buu yiri ay taagan xaalad curyaaminaysa howlahan.

Mr Milisic wax uu sheegay in ilaa 640,000 Soomaali ah ay isugu darsoontay abaaro iyoi dagaalo kooxeed oo daba dheeraaday.

Waxa kale oo uu sheegay in ay raadinayaan wadooyin kale oo samafalka lagu gaarsiin karo dadka u baahan ee Soomaaliyeed, maadaama buu yiri amaandaro ay ku soo korordhay xeebaha Soomaaliya ay halis tahay in maraakiibta ay maraan.

Inkastoo afduubyo ay ka jiraan xeebaha Somaaliya, ayaa haddana WFP waxa ay keentay 1,555 ton oo raashin ah oo la gaarsiiyey ilaa 150,000 oo ruux oo Soomaali ah oo ku dhaqan degmooyinka Jilib iyo Bu’aale labadii todobaad ee la soo dhaafay, iyadoo 830 ton oo dheeri ah loo qeybiyey 78,000 oo ruux oo ku sugan degmada Saakow

Muxyadiin cali jimcaalle jakuula

jakuula@hotmail.com

muqdisho somaliya