Si is daba joog ah ayaa waxaa soo baxaya baaqyada loogu yeerayo maleeshiyooyinka degaanka Xarardheere ka soo jeeda ee gacanta ku haya Markabka u raran hay’adda cuntada adduunka ee WFP inay shuruud la’aan ku sii daayaan markabka iyo shaqaalaha saaran, ururada bulshada rayidka ah ee Muqdisho ayaa loogu yeeray maleeshiyadaasi inay fasaxaan Markabka MV Swmlow.

Ku xigeenka madaxa hay’adda WFP ee Soomaaliya Leo Van ayaa Nairobi bayaan uu ka soo saaray ku eedeeyay hoggamiye kooxeedyada Soomaalida inay ka gaabiyaan oo aanay waxba ka qaban dhibaatada ka taagan markabka MV Semlow, wuxuuna uga digay maleeshiyada markabka heysata inay raashinka mucaawinada ah ee saaran bililiqeystaan.

Dhinaca kale waxay ururada bulshada rayidka ah ee Muqdisho ugu baaqeen burcadda Baddaha inay joojiyaan weerarka maraakiibta ganacsiga xilligan oo bisha Ramadaan nagu soo fool leedahay loona baahan yahay in bulshada ay hesho ganaciga ay u baahan tahay

jakuula@hotmail.com