Wasiirka maaliyadda dowladda FS ayaa beeniyay in dowladda FS ay soo daabaceen lacag sh.som ah, balse dowlada ay sameyneyso lacago u gaar ah, arintaasi oo ku sheegay shir jaraa'id uu maanta ku qabtey magaalada Jowhar.

Wasiirka maaliyadda DFS Saalim Caliyow Ibroow oo maanta Shirkani Jaraa'id uu ku qabtey magaalada Jowhar ayaa waxa uu kaga hadlay siyaasada dowlada gaar ahaan arimaha maaliyadda.

Saalim Caliyow Ibrow ayaa waxa uu waxba kama jiraan ku sheegay warar maalmahaan soo baxayay oo ahaa in dowlada FS ay soo daabacday lacago sh.som ah, wasiirka waxa uu sheegay in arintaasi ay been tahay isla markaana ay buun buuniyeen qaar ka mid ah saxaafadda gudaha.

Wasiirka maaliyadda waxa uu sheegay in uu kulamo la qaatay ganacsatadii lacagaha sameyn jirtey, waxaana ay ka aqbaleen in aysan sameyn lacago been abuur ah.

Wasiirka maliyadda waxa uu kaloo sheegay in ay jiraan dowlado dhaqaale u balan qaaday dowladda FS oo la filayo bisha janaayo ee sanadka soo socda, isagoo sheegay in dowladda aysan ku tashan doonin dhaqaale ay ka helaan beesha caalamka balse uu sheegay in canshuuro ay bilaabayaan.

muxyadoon cli jimcaalle jakuula

jakuula@hotmail.com

muqdisho somaliya