Abul Gheyd ayaa waxa uu xusay in uu dhowaan si weyn u tixraacay qaabka Xukuumadda FKMG ah ee Soomaaliya ay dib ugu laabatay dalka , waxa uuna sheegay inay soo dhoweynayaan ,iyagoo rajo ka qaba in ay ka wada qeybqaataan soo celinta xasiloonida.

Waxa uuna ugu baaqay Xukuumadda FS in waajibaadka saaran ay kaga gudbi karto ilaalinta midnimada iyo dib u heshiisiin ee ma ahan ayuu yiri in la dagaalamo ama la is khilaafo , waxa uuna ku nuuxnuuxsaday in dowladda Masar ay muujineyso dadaal dheeraad ah sidii Xukuumadda cusub ee Soomaaliya ay uga lug siiban laheyd dhibaatooyinka ay kala kulantay gudaha dalka Soomaaliya .

Wasiirka arimaha dibadda Masar ayaa waxaa kaloo intaasi uu ku daray inaanu qarsooneyn kaalinta muuqata ee ay ka qaateen xilli hore xal u helida mushkilado fara badan oo ka dhex jiray kooxaha hubeysan ee Soomaalida , waxa uuna xusay inay diyaar u yihiin in ay xaliyaan khilaafaatka xilligan ka dhex oogan Xubnaha Dowladda FS , ayna isku soo dhoweyn doonaan aragtida ismaandhaafsan ee ay kala aaminsan yihiin , waxaanu la hadleynaa ayuu yiri dhamaan inta khilaafka uu u dhaxeeyo .

Axmed Abul- Gheyd oo wareysi siiyay maalinimadii shalay Wargeyska Alahraam ee ka soo baxa dalka Masar ayaa muujiyay in muhiimada koowaad ay tahay in la is haleelsiiyo doonista Siyaasadeed ee dhinacyada muranka uu u dhaxeeyo ee Soomaaliya

jakuula@hotmail.com