War Saxaafadeed ay soo saareen Mas’uuliyiinta Reer Banaadir, ee kujira Dowladda Federaalka KMG ah ee Soomaaliya gaar ahaan Xildhibaan Shariif Maxamed Sayidii, Xildhibaan Caamir Axmed Maxmed (Jakeeti), iyo Kuxigeenka Guddoomiyaha/Duqa Maamulka Muqdisho qeybta Dhaqaalaha iyo Maaliyadda Dr.Maxamed Cabdulqaadir Maxamed ayaa waxa ay si kulul u dhaleeceeyeen FALKII ay ku kaceen Midowga Maxaakiimta Islaamiga ee dhowaan laga hirgeliyay Gobolka Banaadir.

Warsaxaafadeedkani oo lasoo gaarsiiyay Xafiiska RSTV ee magaalada Muqdisho ayaa waxay ku cambaareeyeen ficilkii maalinta 16-October-2005 ee Midowga Maxaakiimta Islaamiga ee Gobolka Banaadir ay ku kaceen; ficilkaasoo ahaa dhac bareer ah oo loo geystay Shirkadda filimada tarjunta ee Al-Faqiih iyo maamulkooda.

“Waxba kama qabno in la reebo wixii fisqi ah oo kasoo horjeeda Diinta Islaamka, maxaa yeelay waxaan-nahay dad kudhashay Islaam-nimada camal ahaanna u haya” ayaa lagu yiri warsaxaafadeedkaasi. Ficilkii lagu sameeyay Shirkadda Al-Faqiih waxaan u qaadanay mid lagu ihaaneynayo dadka looma ooyaanka ah oo iskooda u shaqeysanayo, beytul maalkana aan ka shaxaadeynin.

Islaamku wuxuu farayaa wanaag ee ma aha in dadka loo-tuso xumaan; ficillada tanoo kalena waa in laga waantoobaa. Wabillaahi Towfiiq.

Muxyadiin Cali jimcaalle jakuula

jakuula@hotmail.com

Muqdisho Somaliya