Wargeyska dalka oo ku hadla afka oo dawlada oo maanta muqdisho lasoo gaarsiiyey
Waxaa maanta magaalada Muqdisho  hadal heynteeda ku baday wargeys ku hadla afka dawlada oo lagu magacaabo Dalka  oo maanta magaalada lagu faafiyey.Wargeyskan oo ka koobnaa illaa  4 page oo  waaweyn ayaa dadku ay maanta aqriskiisa aad ugu baday goobaha  lagu iibiyo wargeysyada  ee magaalada ,

Wargeyska waxa bogiisa hore lagu daabacay inta badan arimaha gudaha ee Somalia  gaar ahaan xuskii 1-da Luulyo inkastoo uu taabanayey arimo xasaasi ah oo aad u badan iyo guubaabo.Wargeyskan oo lagu soo daabacay magaalada Nairobi ee xarunta wadanka Kenya ayay maanta u ahayd markii 5-aad e uu soo boxo ,laakimse Muqdisho marka la eego waxaa ay ahayd maalintii ugu horreysay ee si rasmi ah suuqyada logu arko

 Wargeyska ayaa lagu bixinayay lacag la,aan ,laakinse waxaa dhacaysay in dadka ay qaataan wax aad ufara badan ka dibna dadka kale ka iibsada.

 Caddaka maanta Muqdisho lasoo gaarsiiyay ayaa ahaa kii  4-aad waxa uuna  baxay maalintii shalay oo ku beegneyd 2-da July ,waxaana qodobbada xasaasiga ah ee boggiisa hore ku qornaa ka mid ahaa ;gabar Soomaaliyeed oo laga aqoonsaday mashruuca 1000-ka hawen ee guddihga Nopel Peace prize-ka ,munaasabadda 1-da July oo si heer qaran ah looga xusay caasimmadda ku meel gaarka ah ee Soomaaliya oo ah  Jowhr,,1-da July iyo Puntkland,wareysi dhinacyo badan taabanayay oo uu bixiyaya madaxweyne C/llaahi Yuusuf,Geediyow geeddiga wad iyo qodobo kale oo aad u muhiimah  iyo faalooyin lagu soo qorey gudaha oo ay ka mid ahaayeen  Somalia shaley iyo maanta iyo sheeko uu cinwaan uga dhigay Cibaado iyo Ibtilo.

 Wargeyska dalka caddakiisa maanta ayaa waxaad moodaa in suugaanta uu ahmiyad gaar ah siiyay gaar ahaan gabayada waxaana ku qornaa ilaaiyo 7 gabay oo waddani iyo baraarujin ubadnaa kuwaaso badankoodna ay tiriyen dhallinyaro Soomaaliyeed oo aad u da'yar sida laga dareemi karayay sawirradooda oo  wargeyska ku dabacnaa ayagoo dadka Somaliyeed ugu baaqaya in ay qarankooda badbaadiyaan.

 Wargeyska ayaa illaa iyo iminka laheyn Tifaftire balse waxaa wargeyska howlihiisa wada wasiiru dawlaha warfaafinta Ibrahim Maxamed Deeq.

Maxamed Cumar Sheekh (Maxamed Cadde)
Rochester Somali Tv  Muqdisho