Wararkii ugu danbeeyey ee magaalada
Jowhar.
Golaha wasiirada jowhar ayaa ansixiyey
guddigii amaanka qaranka
golaha wasiirada dawlada ku meel gaarka ah ee Soomaaliya ee magaalada
Jowhar ku sugan ayaa maanta ansixiyey guddi maalintii shalay ahayd ay
magacaabeen oo qaabilsanaa amaanka qaranka.
Guddigan ayaa waxaa madax ka ah ra'isulwasaaraha dawlada ku meel gaarka
ah ee Soomaaliya Cali maxamed geedi waxa uuna ka kooban yahay dhowr
xubnood oo wasiiro ah .
ujeedka guddigan ayuu wasiirka warfaafinta maxamed maxamuud xayir waxa
uu ku sheegay la socodka amaanka qaranka iyo sugidiisaba.
gudigan ayaa waxaa sidoo kale xubin ka ah wasiirka amaanka qaranka
maxamed qanyare afrax oo ka mid ah xubnaha golaha wasiirada ee Muqdisho
ku sugan kana soo horjeeda feker ahaan xubnaha magaalada Jowhar ku sugan
.
C/laahi Kulmiye oo maanta magaalada Jowhar
laga sii daayey.
maamulka gobolka shabeelaha dhexe oo uu madaxda ka yahay maxamed cumar
xabeeb maxamed dheere ayaa maanya xabsigii ka sii daayay wariye C/laahi
kulmiye caddow oo ka mid ahaa saxafiyiinta ka howl galaysay idaacada iyo
talefishanka horn afrik ee magaalada Muqdisho howl shaqana ku joogay
markii lagu xiraayay magaalada Jowhar todobaadkii hore.
C/laahi kulmiye ayaa lasii daayay sida wararku ay sheegayaan ka dib
markii eheladiisa ay dadaal u galeen ayadoo maamulka gobolaasina la
sheegayo in wax cudur daar ah aanu ka bixin xariga C/laahi.
wariyahanka howl galayay idaacada iyo telefishanka Horn afrik ayaa la
xiray xilli uu warbixin ka diyaariyey iskuul ay wax ku baranayeen
ardayda ku dhaqan degmada Jowhar oo iminka isu badalay xarunta golaha
wasiirada ee xubnaha jowhar ku sugan.
Hadiyad la gudoonsiiyey Maxamed dheere.
gudoomiyaha gobolka shabeelaha dhexe maxamed cumar xabeeb maxamed dheere
ayaa maanta gudoomay hadiyad ka socotay barlamaanka wadanka canada oo uu
maanta gudoonsiiyey xildhibaan ka socda barlamaanka canada oo maalintii
shalay ahayd soo gaaray magaalada Jowhar.
xildhibaanka ka socda barlamanka canada ayaa kulan la qaatay xubnaha sar
sare ee dawlada Ku meel gaarka ah ee Soomaaliya sida madaxweyne c/laahi
yuusuf axmed iyo wasiiro ka tirsan dawladiisa.
xildhibaankan ayaa u sheegay xubnaha muqdisho ku sugan sida dawladiisu
ay ula dhacsan tahay howlaha ay xubnahan ka wadaan magaalada jowhar.
wasiiro ka tirsan dawlada ayaa ka codsaday in canada deeqaha ay siiso
shacabka ay usoo mariso dad waxa ay soo dhiibtay si toos ah ugu keena
shacabka ayagoo hambalyo iyo bogaadinba gaarsiiyey xildhibaanka.
xildhibaankan oo ay wehliyeen mas'uuliyiinka socotay jaaliyda Soomaaliya
ee canada ayaa booqasho ku tagay
goobo ka tirsan jowhar sida idaacada magaaladaasi iyo xarunta dawlada ku
meel gaarka ah ee Soomaaliya ay ku leedahay magaalada Jowhar.
Maxamed Cumar Sheeq.
Rochester Somali Tv ,Muqdisho.
