Wakiilka Qaramada Midoobay u qaabilsan arimaha Soamliya Francois Fall ayaa ku soo Fool leh dalka Somaliya si uu wada hadalo ula yeesho Madaxweyne C/laahi Yuusuf.

Wakiilka Gaarka ah ee Qaramada Midoobay u qaabilsan arimaha Somaliya Francois Lonseny Fall ayaa maalinta berri ah waxa uu soo gaari doonaa magaalada Jowhar si uu wadatashiyo ula yeesho Madaxweyneha dowlada FS C/laahi Yuusuf Axmed

sida ku cad nuqul ka soo baxay xafiiska UNPOS ee magaalada Nairobi.

Booqashada Francois Falla ayaa waxa ay qeyb ka tahay dadaalada la doonayo in xal nabadeed lagu helo ismaandhaafka ka dhex jira dowlada F.S waaxyaheeda.

Ismaandhaafyadaas ayaa waxaa ku jira halka dowladda ay saldhigan laheyd,

iyadoo Madaxweyne C/laahi Yuusuf iyo Ra’iuslwasaare Geedi ay dageen magaalada Jowhar, iyagoo sheegay in magaalada Muqdisho ay tahay meel aan xasilooneyn.

Gudoomiyaha Baaralamanka F.S Shariif Xasan Sheekh Aadan iyo qaar ka mid ah golaha wasiirada iyo tiro xildhibaano ah ayaa waxa ay ku adkeysanayaaan in Muqdisho ay tahay goob nabadgalyo dowladuna ay dagi karto.

Danjire Fall ayaa ku booriyay dhamaan golaha wasiirada in ay galaan wada tashiyo albaabada u furi kara dib u heshiisiin.

Golaha amaanka ee Q.M ayaa bishaan waxa ay walaac ka muujisay xaaladda aan meel u dhaqaaqeyn ee amaan darro ee ka jirta Somaliya iyo maqnaanshaha wada hadal siyaasadeed.

Golaha waxaa sidoo kale uu ku boosiyay beesha Caalamka dalalka dariska la ah Soomaliya in ay wadaan taageerada wada jirka ah ee la siinayo wada xaajood siyaasadeed oo laga dhex furo hogaamiyeyaasha dowladda FS./

Booqashada Fall maalinta berri ah uu ku imaanayo magaalada Jowhar ayaa waxa ay timid ka dib markii Fall wadatashiyo arimaha Somaliya ah uu la soo yeeshay hogaamiyeyaasha dalalka Ruushka, Sweden, Masar, Ethiopia iyo wadatashiyo uu la sameeyay xarunta Midowga Yusuf ee ku taala magaalada Athens, waxaana sidoo kale la sheegayaa in Danjire Fall uu xiriir dhow la leeyahay ururka

Jaamacadda Carabta, ururka midowga Afrika iyo dalalka ku jira Afrika oo guud ahaan uu kala hadlay sida laga yeelayo khilaafka ka dhex taagan labada gole ee dowlada FS.

muxyadiin cali jimcaalle jakuula

jakuula@hotmail.com

muqdisho somali