Wafdi ka socda xukuumada Soomaaliya oo Baladweyn u ambabaxay.

 

wafdi uu hogaaminayo wasiirka waxbarashada dawlada federaalka Soomaaliya Cali C/laahi Cosoble ayaa maanta ka ambabaxay magaalada Jowhar ee xarunta  gobolka Shabeelaha dhexe ayagoo kusii jeeda gobolka Hiiraan gaar ahaan magaaladiisa Baladweyn.

 

wafdigan ayaa ujeedka socdaalkiisa waxaa lagu sheegay in ay tahay xalinta khillaaf soo kala dhex galay wax garadka gobolka iyo xukuumada federaalka ka dib markii xukuumada ay ku dhawaaqday in ay kala laabatay gobolka Hiiraan xaruntii ciidanka xoogga dalka.

 

wafdigan ayaa la filayaa in kulamo kala duwan uu la yeesho xubnaha odayaasha dhaqanka si ay uga dhaadhiciyaan in dawladu ay weli ku dhegentahay mowqifkii hore oo ah in Hiiraan uu yahay xarunta ciidanka xoogga dalka.dhinaca kale waxaa soconaya ciidamo lagu ururinayo deegaanka Ceel gaal oo magaalada Baladweyn u jira 15 kiilo mitir .

 

ciidankaasi ayaa la sheegayaa in ay sugayaan amaanka wadada ayadoo sidoo kalena ka hortagaya ciidan la sheegay in Feer Feer ay ku sugan yihiin doonayana in Jowhar ay usoo gudbaan .magaalada Baladweyn ayaa xaaladeeda aan iminka deganeen ayadoo weli uu magaalada saaranyahay bandow xusaya in magaaladu aanay soo gali karin gawiiri ka timaada dibada gobolka Hiiran.

 

odayaasha ayaa xukuumada federaalka ku eedeynaya in ay ka baxday hashiis ay horey u wada sixiixdeen oo ahaa in Hiiraan uu yahay xarunta ciidanka xoogga dalka.