Wadahadalo cusub oo lagu doonayo in lagu dhameeyo khilaafka dawlada oo Jibuuti ka bilaaban doona

dowladda djibouti ayaa ku casuuntay dalkeeda saddexda mas'uul ee ugu sarreeya dowladda oo kala ah C/laahi Yuusuf Axmed  madaxwaynaha,Cali Maxamed Geeddi, ra'iisul wasaaraha,iyo guddoomiyaha baarlamaanka shariif Xasan Sheekh Aadan oo haatanba ku sugan magaalada Djibouti.
dowladda djibouti ayaa isku dayaysa in ay markeeda bal isu keento mas'uuliyiinta Soomliyeed ee  khilaafku kala geeyay si ay u noqdaan kuwo isku meel wax u wada haddii ay ku guulaysato, taasi waxay meesha ka saareysaa  khilaafkii soo jiitamayey dhowrkii Bilood ee ina dhaafey.

 ra'iisul wasaare cali maxamed Geeddi ayaa maanta la filayaa in uu ka duulo garoonka degmada Jowhar,isagoo ku sii jeeda magaalada Djibouti si uu wada hadalladaasi uga soo qayb qaato. madaxwayne C/laahi Yuusuf Axmed ayaa isna la filayaa in uu soo gaaro magaalada Djibouti saacadaha soo socda isagoo haatana kusugan magaalada Sanca ee dalka Yaman.

dowladda Yaman ayaa horay ugu guul darraysatay in ay heshiisiiso madaxwayne Yuusuf iyo guddoomiyaha baarlamaanka shariif xasan sheekh aadan,lamana oga sida ay dowladda djibouti ay ugu guulaysan karto xallinta khilaafka meesha sare gaaray ee u dhexeeya madaxda dowaldda dhawaan dhaladka ah ee dalka somalia oo iyadoo 7 bilood jirta khilaaf xooggani hareeyay habkii ay dalka uga howl bilaabi lahayd.