UNDP da oo la sheegay in ay hor istaagtay socdaalo xildhibaano ay ku imanlahaayeen Muqdisho iyo Kismaayo.

 Qaar ka mid ah xildhibaannada baarlamaanka DFGS ee ku sugan magaalada ayaa cambaareyn dusha kaga tuurey hay’adda UNDP oo ay sheegeen in ay ku khasbayso waxa aaney dooneynin..Xillibaanadan oo ah  xillibaanada aaminsan in Muqdisho  dawladu ay ku degto ayaa intaa ku daray in UNDP da ay ka hor istaagtay safarkoodii ay ku doonayeen in ay ugu soo ambabaxaan magaalooyinka Muqdisho iyo Kismayo

Xildhibaan Cabdi Cabdulle Cismaan oo loo yaqaan Jinni boqor oo ka mid ah xildhibaannadaasi ayaa sheegay in UNDP da  ay u diidday in ay siiso dayaarad ilaa 50 xildhibaan oo doonaya in ay usoo ambabaxaan  magaalooyinka Muqdisho iyo Kismaayo.Xillibaan Jinni boqor waxa kaloo uu sheegay in ha’addu ay ka dalbatay in ay u ambabaxaan magaalada Jowhar oo ay  ku suganyihiin xubno uu hormuud u yahay  ra’iisul wasaareCali Maxamed Geeddi,

 Jini boqor  waxa intaa raaciyey in haddii UNDP da ay dhaga ka fureysato dalabaadkooda ah in dayaarada la siiyo ayna is dabari doonaan.

Carqalad soo food saartay nabadeyntii laga dhex waday  beelihii ku dirirey Mudug iyo Galgaduud

Waxaa carqalada au lasoo  gudboonaatay dadaalladii la doonayay in la isku soo horfhadiisyo beelihii dagaalladu ay  ku dhex mareen gobollada Mudug iyo Galgaduud ka dib markii guddigii dhexdhexaadinta  waday ay ku guul darraysteen in labada beel ay ka dhaadhiciyaan in ay isasoo hor fadhiistaan.

Maalmihii la soo dhaafay ayay guddiga dhex dhaxaadintu waxa uu waday kulamo goonogooni ah oo ay  la yeelanayeen beesha Saleebaan oo  si weyn uga caga jiideysa  in labada dhinac ay isa soo hor fadhiistaan.Odayaasha dhexdhexaadinta wada ayaa ku guuldareystay in labada beel ay ka dhaadhiciyaan in ay kasoo qeybgalaan gogol 15 kii bishan lagu ballansanaa in ay ka dhacdo deegaanka Dhuuso Mareeb ee gobolka Galgaduud.

Odoyaashan oo kulan ku yeeshay guriga  Sh Axmed Nuur Jimcaale  maamulihii hore ee shirkada xawaalada Barakaat ee la xiray ayaa  isku raacay in ay howsha ku wareejiyaan xillibaanada iyo wasiirada dawlada  sida wararka halkaasi aynu ka helnay ay sheegayaan.Bilihii la soo dhaafay ayaa wararku sheegayaan in  wax dagaal ah halkaasi aanu ka dhicin Hadana waxaa weli muuqata ifafaale colaadeed .Dadka gobolkana waxa ay cabsi ka qabaan in ay dib usoo laabtaan dagaaladii dhiiga faraha badnaa uu ku daaday barakaca weynna sababay,ayadoo dagaalkaasi la isku adeegsaday hubabka aadka u culus sida kaarayaasha.

Maxamed Cumar Sheekh (Maxamed Cadde)

Rochester Somali TV.  Muqdisho