Dib u dhiska gobolada dalka qaarkood ayaa waxaa horey u sheegay Xubnaha labada Gole ee ku sugan magaaladda Jowhar iyagoo sheegay in gobolada Somaliya loo qeybiyay lix gobol, taasoo siweyn uga careysiisay xubnaha labada gole ee magaalada Muqdisho oo ku tilmaamay mid khalad ah.

deeq lacageed oo gaareysa ilaa 2 milyan iyo bar ayaa waxaa Gudoonsiiyay wasirka qorsheynta qaranka DFS C/risaaq Jurille, Mario Refella oo ah mas’uul sare oo ka tirsan dowladda Talyaaniga.

Xukuumadda Roma ayaa qarashkaan ugu talo gashay in dowladda FS ay ku maareyso maamul u sameynta 45 degmo oo ka mid ah 6 degmo oo ku yaala bariga iyo bartamaha Somalia.

Wasiirka qorsheynta iyo iskaashiga Caalamiga C/risaaq Jurille oo dowladda FS u saxiixay heshiiskaan ayaa waxa uu sheegay in gobolada dalka Somaliya laga wada ekeyn doono dhismaha maamulka oo dowladda Talyaniga ay lacago ku bixineyso.

Jurile ayaa waxa uu sheegay in dowladda FS ay gacanta ku heyso lacagtaani lana howlgali doono,iyadoo ay iskaashan doonaan hay’adda UNDP iyo wasiirka dib u heshiisiinta xukuumadda FS Sheekh Aadan Madeer.

Juriille ayaa waxa uu sheegay in howsha ay ka bilaaban doonto goobaha ay nabadgalyo darida ka jirto, mana ahan markii ugu horeysay oo dowlada Talyaniga ay soo gaarsiiso deeq ceenkaan oo kale ah, iyadoo horey dowladda Talyaniga ay u siisay xukuumadda FS deeq kala duwan oo isugu jira matooro, gawaari, qalab xafiiseed iyo alaabo kale.

Talaabada ay deeqaha ku siinayso Dowladd Talyaaniga xukumda Madaxweyne Yuusus iyo R/wasaare Geedi ayaa noqonaysa mid ay ku xaqiijinayso dowlda Talyaaniga sida ay uga go antahay inay taageero lagarab is taagto dowlada somaliya iyadoon u ee gaynin qilaafaka u dhaxeeya labada Gole ee kala degan Muqdisho iyo Jowhar,.

Muxyadiin Cali jimcaalle jakuula

jakuula@hotmail.com

Muqdisho Somaliya