Magaalada Jowhar oo mar kale loo doortay in ay noqoto xarunta
dhexe ee ciidamada booliska .
Taliyaha ciidamada booliska Somalia Cali Maxamed Madoobe ayaa maanta
shaaca ka qaaday in magaalada Jowhar ay tahay xarunta dhexe ee laga
maamulayo ciidamada booliska Somalia oo markii hore la filayay in ay
noqoto magaalada baladweyne ee xarunta gobolka Hiiraan.
Taliyaha ayaa hadalkan waxa uu ka sheegay magaalada Jowhar maanta xili
halkaasi uu ku qabtay shir jaraa'id uu kaga hadlayay socdaalkii uu ku
tagay wadanka Yuganda.
Cali Maxamed Madoobe ayaa sheegay in maalmaha fooda inagu soo haya la
bilaabo doono qorida ityo xareynta ciidamada booliska si wax looga qabto
xaalada amaanka wadanka oo haatan faraha kasii baxaysa.
Taliyuhu waxaa kaloo uu sheegay in saraakiisha somalia ee haatan
tababarka ku qaadanaya wadanka Yuganda ay yihiin kuwo xul ah oo aad
darajadoodu ay u sareyso waxaana uu sheegay in bil gudahood ay dib ugu
soo laaban doonaan wadanka marka ay soo dhamaystaan tababarkooda.
hadalka kasoo yeeray taliyaha ciidanka booliska ayaa u muuqda mid daaha
ka rogay hadalo hhorey la isul dhex mari jiray oo ah in magaalada
Baladweyn ay tahay xarunta ay hiigsan doonaan ciidanka booliska ee
Somalia goor dhow loo yegleeli doono.
Taliyaha ayaa saraakiil fara badan oo Somali waxa ay ku dhaliilayaan
inuu yahay qof aan ku dhaqmayn cadaalada iyagoo taa ula jeeda sidii uu u
xulay saraakiishii loo diray wadanka Yuganda oo isagu uu ka mid ahaa.
Maxamed Cumar Sheekh.
Rochester Somali Tv ,Muqdisho.
