Suuqii weynaa ee degmadda C/casiis ee gobalka banaadir ayaa saakay albaabada loo furay 15 sanno ka dib.

Suuqaan oo waayahii dowladii Max’ed Siyaad Barre ahaa suuq aad u weyn, ayaa waxaa uu ku xirmay dagaaladii sokeeya dalka markii ay biloowdeen.

Dayactir aad u balaaran ayaa waxaa lagu waday bilooyinkii aynu ka soo gudubnay suuqa, waxaana gacan weyn ka geystay furitaanka suuqaan dadweynaha ku dhaqan degmadda C/casiis iyo nawaaxigiisa.

Suuqaas ayaa astaan waxaa u ahaa meelo bilcdooda lagu xasuusan karo sidii Kawaanka Malaayga iyo Kan Hilibka, Qeybta qudaarta iyo waliba qeyb aad u cajiib badnaa, balse waxay dhamaan qeybahaasi la burbureen dowladii Soomaaliyeed ee xiligaasi dalka ka talin jirtay, waloow ay ifafaalo ka soo muuqatay ka dib markii uu dalka soo gaareen dowladii Carta laga soo dhisay ee uu madaxweynaha ka ahaa Dr. C/qaasim Salaad Xasan iyadoo markaasi dadka C/casiis ku nool ay go’aansadeen in ay furaan suuqana balse taasi laguma guuleysan.

Maanta ayaa waxaa suuqa buux dhaafiyeen dadweyne aad u fara badan oo halkaasi u yimaadeen in ay arkaan bilicdii Suuqa sida loo soo celiyay ka dib markii laga baahiyay in la furayo manta Suuqa C/casiis warbaahinta gudaha Muqdisho ka howl gala badankood.

Waxaana furitaanka suuqani goobjoog  ka ahaa Masuuliyiin ka tirsan dowlada FS iyo dad magic ku leh bulshada dhaxdooda, qaarkoodna lagu tixgaliyo arrimaha ganacsiga iyo waliba Gudoomiyeyaasha 16 ka degmo ee gobolka Banaadir ayaa maanta ka soo qeybgalay munaasabadii furitaanka suuqa Degmada C/casiis.

Mana ahan markii ugu horaysay ee la furo Suuqayadii dalka ku faani jiray kuna yiilay Gudaha Caasimada ee Xamar, waxaana horay loo furay suuqa Siinaay iyo suuqyo fara badan oo ku yaala caasimada ee dagaaladii sokeeye ka dib xirmay noqdeena meel ay ku hoydaan cayayaanka iyo bahalaha