IGAD oo Shir ku qaban doonta magaalada Jowhar,

Shirkii IGAD ee mar sii horeeysay baaqday ayaa lagu dhawaaqay inuu markale dib ubilaaban doono maalinta 29.11.2005 oo ku aadan maalin Qamiis ah.

Sida aan ka helay ilo xog ogaal ah ayaa waxa ay ii xaqiijiyeen in uu qabsoomi doono, waxaana ka cudur daartay dawlada Eratariya iyadoo lagu wado inta kale inay kasoo qayb gali doonaan.

Maalinta 28.11.05 ayaa waxaa magaalada Jowhar soo gaari doona 2 xubnood oo xoghayn ka ah uruka IGAD iyadoo gogol xaar ay u yihiin wasiiradana ay imaan doonaan.

Shirkaani oo markiisa hore baaqday ayaa waxa lagu micneeyey inuu arimo farsamo u baaqday iyadoo dib loo dhigay oo uu codsaday gudoomiyaha xiligaan oo ah dowlada Ugandha.

DFS, iyo maamulka gobolka ayaa waxaad ka dareemaysaa inay ku jiraan diyaar garoow iyadoo gudigii loo xilsaaray inay qaban qaabiyaana ay hawlahoodi dar dar galiyeen.

Mar aan kala sheekeystay mid ka mid ah qaban qaabiyeyaasha ayaa ii sheegay inay ku hawlan yihiin sidii ay u diyaarin lahaayeen ajandayaashii shirka iyo waliba sidii ay ku dagi lahaayee wafuuda ka qayb galaysa kulankaani.

Muxyadiin Cali jimcalle jakuula

jakuula@hotmail.com

Muqdisho somaliya