Gudoomiyaha Baarlamanka FS Shariif xasan sheekh Aadan ayaa maanta uga war bixisayay xubnaha labada gole ee Muqdisho waxa yaabihii uga soo qabsoomay safaradii uu dhowaan ku soo maray dalal badan oo ka tirsan caalamka ka dib kulan ay maanta ku yeesheen Hotel Saxafi ee magaalada Muqdisho.

Kulankaan uu shir Gudooominayay GudooFmiyaha Baarlamanka FS isla markaana ay sooi xaadireen tiro xildhibaano ah oo gaaraya inka badan 100 Mudane ayaa waxaa ka hadlay Gudoomiyaha Baarlamanka FS oo ka wara bixiyay Safarkii uu ku soo maray dalalka Mareylkanka, Engriiska, Sweden, Finland iyo kuwo kale, oo uu sheegay in madaxdii dalalkaasi ee uu la kulmay ay soo dhaweeyeen holwaha Nabadeynta ee dowladda FS ay ka wadaan gudaha Somaliya gaar ahaan magaalada Muqdisho, isla markaana ay u balan qaadeen in Seminaaro la siinayo xubnaha Baarlamanka iyo deeqo kale.

Afhayeenka Xubnaha labada gole ee Muqdisho Col.Cumar Xaashi Aadan ayaa sheegay in xubnahooda Muqdisho ay gudoomiyaha Baarlamanka ay isna faahfaahin ka siiyeen waxyaabihii u qabsoomay intii uu ka maqnaa dalka, oo ay ka mid tahay arinta maamul u sameynta gobolka Banadir, oo uu sheegay in ay mareyso heer gabogabo ah, iyagoo diyaariyay xeerkii lagu dhisi lahaa maamulka gobolka Banadir.

Waxa uu intaasi Raaciyay in maalinimada Berri ah kulan gaar ah oo looga hadlayo arimaha maamul u sameynta gobolka Ay Hotel Amiira ku yeelan doonaan Gudigii 57 da xubnood ka koobnaa ee uu hogaaminayay Muuse Suudi Wasiirka Ganacsiga ee loio xilsaaray holwaha la xiriira maamulka gobolka Banadir.

Waxa uu sheegay in ujeedada ay maanta kulankaasi uga soo qeybgaleen tiradii ugu badaneyd ee kulan ay yeeshaan xubnaha labada gole tan iyo intii uu Muqdisho ka maqnaa Gudoomiyaha Baarlamanka aan macnaheedu aheyn in ay doonayaan in uu u buuxsamo Kooram.

Cumar Xaashi waxa uu sheegay in dhowaan Muqdisho ay ku soo fool leeyihiin Xildhibaano uu hogaaminayo wasiiru dowlaha Xafiiska Ra'isulwasaaraha C/qaadir Dhaqane oo haatan ku sugan wadanka Kenya.

Muxyadiin Cali jimcaalle jakuula

jakuula@hotmail.co

Muqdsho Somaliya