|
Shariif Xasan oo ku baaqay kulan degdeg ah oo ay yeeshaan dhamaan
mudanayaasha barlamaanka 17-ka bishan.
xubnaha labada gole ee kuy sugan magaalada Muqdisho ayaa maanta kulan ay
albaabadu u xiranyihiin ku yeeshay xaruntii hore ee xisbiga ee magaalada
Muqdisho .
kulan ayaa waxaa kasoo qeyb galay 50 xubnood oo ka tirsan barlamaanka
wadanka Soomaaliya ,waxaana looga hadlayay qoraal uusoo bandhigay
gudoomiyaha barlamaanka dawlada ku meel gaarkla ah ee Soomaaliya shariif
xasan sheekh aadan kaasoo ku baaqayay kulan degdeg ah oo ay yeeshaan
dhamaan mudanayaasha barlamaanka meel kasto oo ay joogaanba.
xubnihii ka qeyb galay kulankii maanta ayaa soo dhaweeyey qoraalkii uu soo
gudbiyay gudoomiyaha barlamaanka shariif xasan sheekh aadan.
gabagabadii kulankii maanta ka dhacay xaruntii hore ee xisbiga ayaa waxaa
saxaafada hadal siiyey xildhibaan Salayman Colaad Rooble oo sheegay in
kulankii maanta diirada lagu saaray oo kaliya qorshaha gudoomiyaha uu soo
bandhigay oo ah in 17-ka bishan ay xildhibaanada isugu yimaadaan kulan
degdeg ah oo looga hadlayo xaalada wadanka haatan ka taagan.
xildhibaan salayman ayaa waxaa kaloo uu sheegay in isbuucan gudihiisa la
filayo in magaalada Muqdisho uu soo gaaro ra'isulwasaare ku xigeenka
dawlada ku meelgaarka ah ee Soomaaliya ahna wasiirka arimaha gudaha Xuseen
Caydiid.
xildhibaanka ayaa sheegay in Mr.Caydiid uu kusoo biiri dooono xubnaha
muqdisho ku sugan ayna wadahadal yeelan doonaan .
si kastaba ha ahaatee waxaa laga dhur sugayaa kulan uu ku baaqay
gudoomiyaha hadiii uu noqdo mid suuro gala iyo inkale ayadoo la
ogsoonyahay in labada gole ee dawlada uu u dhexeeyo khilaaf ku salaysan
kala mabda' duwanaasho.
Maxamed Cumar Sheeq.
Rochester Somali Tv ,Muqdisho.
|
