Shaqaalaha hay'adaha Unicef qaar ka mid ah ayaa maamulka degmada Jowhar ay ku amreen iney isaga baxaan degmadaasi, qaarna wey ka soo masaafuriyeen halkaas.........


Shaqaalahaan hey'adaha Unicef kuna sugnaa degmada Jowhar ee gobalka Sh/Dhexe, kana shaqeynayeen gobolada bartamaha iyo koonfurta Soomaaliya, ayaa maamulka degmada Jowhar waxa ay ku amreen sida ugu dhaqsiyaha badan in ay isaga baxaan halkaasi.

Cabdirisaaq Cismaan Maxamed oo isaguna katirsan waaxda maaliyadda ee hey'addaasi iyo waliba Cabdixamiid Cismaan Saalax oo madax ka ah qeybta kahor tagga cudurk AIDSka ee hey'adda Unicef ayaa shalay laga masaafuriyay degmada Jowhar.

Waxaana lagu sheegay masaafurinta xubnahaan sar sare ee hey'ada Unicef, in ay magaalada Jowhar ku qabteen siminaar lagu baranaayo ka hortaga Cudurka dilaaga ah ee HIV Adis-ka, ka dibna maamulka degmada uu soo jeediyeen in laga jaro lacagaha ku baxaya siminaarkaan Canshuur 15% ah, ka dibna lagu shubo qasnada dhexe ee maamulka degmada, laakin maamulka Unicef ayaa sheegeen in aysan qorshahooda ku jirin in ay ka bixiyaan siminaarkaan lacago canshuur ah, balse ay go'aankeeda lee yihiin ka qeyb galayaasha siminaarkaan, waloow ay arintaasi markii dambena ka liftay falkaan masaafuriska ah.

Mana ahan markii ugu horeysey ay arinmahaaan oo kale kala qabsadaan Maamulka Degmada Jowhar iyo waliba Xafiiska Hay'ada Unicef ee Jowhar, iyadoo qifaaf u dhaxeeya labada dhican dhawaan la xaliyay, waxaana xalintaan ugu dambeysay ka fadhiistay maamulka degmada Jowhar iyo waliba ninka wakiilka ugu ahaa markaas Hay'adda Unicef Soomaaliya Jesper Morch, oo xafladii isaga lagu sagootinayay oo uu xilka ku wareejinayay wakiilka cusub, ayaa waxa ay ka dhacday degmada Jowhar ee gobalka Sh/Dhexe.

Haddaba arimahaan is qabqabsiga maamulka degmada Jowhar iyo Hay'adaha caawinaya dadka tabaaleysan ee soomaaliyeed ayaa waayahaan dambe si sare u soo kaceyse.

Wariye
Abdifitahaam Ahmed
Rochester Somali TV
Mogadishu
Email: abdifitahaam@hotmail.com