Dagaalo Ay dad ku dhinteen kuna dhaawacmeen oo maanta ka dhacay baraawe ee gobolka sh/ hoose

Wararka ka imaanaya magaalada baraawe ee gobolka sh/hoose ayaa sheegaya in ugu yaraan 6 ruux ay ku geeriyootay halka qaar kale oo intaa ka badanna ay ku dhaawacmeen iska hor imaad maanta ka dhacay degaanka Heejow Maxaad oo hoos yimaada degmada Baraawe.

Wararka ayaa sheegaya in iska hor imaadyadani ay u dhaxeeyaan labo maleeshiyo beeleed oo wada dega degaankaasi, waxaana lagu soo waramayaa inuu ku sii fidayo deegaano kale oo ka mid ah gobolkaasi.

Illaa hadda ma jiraan dadaalo ay wadaan maamulka iyo waxgaradka deegaankaasi oo la sheegay inaysan xil iska saarin qaboojinta xiisaddan,inkastoo uu jiro baaqyo nabadeed oo ka imaanaya bulshada rayidka ah ee ku dhaqan halkaasi.

Ma ahan markii ugu horeysay ee dagaal dad ku dhintaan uu ka dhaco degaankaasi, iyadoo bilihii la soo dhaafay ay halkaasi ka dhaceen dagaalo lagu hoobtay oo la xiriiray lahaanshaha iyo milkiyadda dhul ay isku qabteen labadan maliishiyo hase ahaatee dagaalkan ayaa warar soo baxaya waxaa ay sheegayaan inuu la xiriiro Aar dhinaca qabiilka ah

Muxyadiin Cali Jimcaalle Jakuula

jakuula@hotmail.com

Muqdisho Somaliya