Qaybo ka tirsan Gobolka Sh/hoose ayey maanta ka dhaceen Banaanbaxyo looga soo horjeedo dowladda Talyaaniga.

Dibadbaxayaashani maanta ay isku soo baxeen Qaybo kaida deeganaa hoos taga Gobolka Sh/hoose ayaa waxaa looga soo horjeeday laguna cambaareynayay dowladda Talyaaniga oo lagu sheegay inay kaliya taageerto garabka Dowladda FS ee fadhiga ka dhigtay degmada Jowhar , waxaana goobaha maanta ay ka dhaceen ka mid ah degmooyinka Awdheegle , Kuntuwaarey , Sablaale iyo Baraawe , waxaana dadka goobahaasi isku soo baxay hadalo u jeediyay gudoomiyaasha degmooyinkaasi oo cambaareyn dusha kala dhacay dowladda talyaaniga iyo garabka Dowladda ee Jowhar .

Dadka Banaanbaxa sameynayay ayaa waxa ay wateen boorar ay ku qornaayeen halkudhigyo ay ku cambaareynayeen dowladda Talyaaniga oo ay ku sheegeen mid kala qeybineysa Ummadda , si gaar ahna u taageereysa garab ka mid ah dowladda inta ay dhexdhexaad ka noqon laheyd .

Banaanbaxayaasha ayaa waxa ay ka codsadeen dowladda Talyaaniga inay dhexdhexaad ka noqoto howlaha siyaasadda kala geysay Golayaasha dowladda Magaalooyinka Jowhar iyo Muqdisho .

Banaanbaxa ayaa lagu sheegay inuu yahay kii ugu horeeyay shacabka Gobolka Sh/hoose ay dhigaan noociisa oo ay ku diidan yihiin Siyaasadda talyaaniga ee ku wajahan Soomaaliya , inkastoo aan si rasmi ah loo ogeyn dibaxyadan cidda soo qaban qaabisay

Muxyadiin Cali jimcaalle jakuula

jakuula@hotmail.com

Muqdisho Somaliya