Sheekh Xasan Daahir Aweys oo ka mid ah culuma udiinka waaweyn ee wadanka Somaliya ayaa been aan sal iyo raad laheyn ku tilmaamay hadal dhowaan uu faafiyay Chanal4 oo saldhigiisu yahay dalka Britan oo sheegayay iyadoo uu soo xiganayay Sheekha Xasan Daahir in uu heysto 3 kun oo ciidan ah.

Sheekh Xasan Daahir Aweys oo ka mid ah wadaada Soomaalida ee warbaahinta reer Galbeedka ay u arkaan in uu ka soo horjeedo danaha dalalkooda oo wareysi dhinacyo badan taabanaya siiyay Saxaafadda Muqdisho ayaa waxa uu kaga hadlay arimo dhinacyo badan taabtay oo ay ku jirto ololaha sheekha iyo wadaado kale ay ku doonayaan in Somaliya laga hirgaliyo ku dhaqanka Shareecad islaamka.

Sheekha oo soo qaatay ka hadalka arintaasi ayaa waxa uu tilmaamay in ay aad u soo kordheyo dhibsashadal agu hayo isaga iyo dadka ku fikirka ah oo lagu ceebeynayo in ay yihiin kuwo islaanimadooda dhagan, waxa uuna sheekhu sheegay in aysan jirin habayaraatee ciidamo howlahaasi qaabilsan sida uu shaaciyay wariye ka tirsan Tvga Chanel 4 ee dalka Engriiska oo sheekh Xasan Daahir Aweys uu ku tilmaamay in uu ka sameeyay xigasho mala awaal ah oo isagu aanu ka imaan.

Sheekh Xasan Waxaa kale oo ka cowday in loo nuglaaday cabsida waxa uu sheegay in ay yihiin awoodo si qaldan loo adeegsado oo ra’yulcaamka lagu jahawareeriyo, taasoo uu sheegay in inta badan ay fursad u noqotey kooxo uu sheegay in Soomaalidu ay ka qanacday oo 15 sano hortaagnaa, kuwaasi oo uu sheegay in mintid, asalraac iyo ereyo kale ay u isticmaalaan in ay ku kala fogeeyaan wadaada Soomaaliyeed ee islaamka ah ee wadanka uu kala dhaxeeyo sida uu yiri sheekha.

Sheekh Xasan Daahir waxa uu soo dhaweeyay rajada laga qabi karo in heshiis ay gaaraan dhinacyada dowladda FS ee Jowhar iyo Muqdisho ayaa siyaasad xumo iyo mas’uuliyad darro ku tilmaamay sida ay xubno sar sare oo dowladda ka tirsan Soomaaliya u wajahaan arimaha la xiriira qadiyadaha Soomaaliya ee dhinaca midnimada iyo dhulalka maqan.