Sheekh Aadan Modoobe kuwa diidan ciidamada buntuld waa kuwodiidan Qaraka Somaliyeed

Wasiirka garsoorka dowlada federaalka Soomaaliya Sheekh Aadan Maxamed Nuur “Sheekh Aadan Madoobe” ayaa sheegay in mas’uuliyiinta kasoo horjeeda ciidamada Puntland iyo kuwa kale ee la keenayo magaalada Jowhar, iney yihiin kuwa kasoo horjeeda dib u helidda qaran Soomaaliyeed, wuxuuna sheegay dhankooda ciidamada Puntland iyo kuwo kale oo Soomaaliyeedba iney kusoo dhoweynayaan gobolada Baay iyo Bakool.

Wasiirka garsoorka ee dowlada federaalka Sheekh Maxamed Nuur “Sheekh Aadan Madoobe” oo kusugan magaalada Xudur ee gobolka Bakool, ayaa ka hadley mowqifkiisa siyaasadeed ee ku aadan ciidamada kasocda Puntland ee dhowaan la keenay magaalada Jowhar ee gobolka Sh/Dhexe

.Sheekh Aadan Maxamed Nuur “Sheekh Aadan Madoobe” ayaa ku doodey in ciidamada Puntland ee yimid magaalada Jowhar iyo ciidamada kalaba iney yihiin ciidamada qaranka oo aysan aheyn ciidamo ajnabi ah, wuxuuna “Sheekh Aadan Madoobe” ka hadley sida uu u arko xiisadaha ka dhashey ciidamada dhowaan Jowhar soo gaarey.

Wasiirka garsoorka ee dowlada federaalka “Sheekh Aadan Madoobe” waxaa kaloo uu sheegay in degmada Waajid ee gobolka Bakool uu tababar ciidan uga furmey maleeshiyooyin kayimid deegaano kala duwan, kuwaasoo uu sheegay iney noqonayaan ciidamadii qaranka.

Mar wax laga weeydiiyey dhaqaalaha ciidan kaasi halka uu ka imaanayo ayuu sheegay iney gacan ka helayaan ganacsatada gobolka, isla markaana ganacsatadu ay horeyba u bixiyeen lacago isugu jira deyn iyo deeqba.

Muxyadiin Cali Jimcaale Jakuula
Muqdisho Somaliya