Hogaamiyasha ururka Sanca ayaa Qoraal ay soo saareen markii uu dhamaadey shirmadaxedkoodi Cadan waxa ay ugu baaqeen Golaha Amaanka ee QM inay  ka qaadaan Soomaaliya xayirada hubka ee saaran.

Hogaamiyshan ayaa sheegay in ka qaadista Soomaliya xayiraada hubka ee Saaran ay suuragelinayso in Soomaliya loo diro ciidamo nabada ilaaliya kuwaas oo wax weyn ka tari doona sidii waddanka Soomaliya uu noqon lahaa waddan xasiloon

Waxa ay hogaamiyasha isbahaysiga Sanca ay sheegen in ay si wayn u taageersan yihii  natiijadii ka dhalatay shirkii dibu heshiisiinta Soomaliya,waxayna sheegen in sidoo kale wax sheegeen in ay ahayd talaabo horumar leh dib uguuridii xukumada Soomaliya gudaha dalka.

Waxayna sheegen in ay ka  go'an tahay in ay xukumada Soomaliya ku taageraan sidii ay awoodeda ugu fidin lahayd dalka oo dhan, iyo sidi ay dib
ugu dhisi lahayd hay'adihii asaasiga ahaa iyo ilihii dhaqaalaha waddanka sidoo kale waxay sheegeen in ay lagama marmaan tahay sidii dib loogu dhisi alahaa ciidankii nabadgelyada iyo amniga waddanka.

Hogaamiyashu waxay sheegen in Soomaliya oo midaysan ay dalalka deriskeeda ah kala qayb qaadan karto dadaalada lagu sugayo amniga Bariga Afrika.

Waxay hogaamiyashani sidoo kale ugu baaqeen hogaamiyasha beesha caalamka in ku taageeran xukumada Soomaliya sidii ay cagaheeda isugu taagi  lahayd .
 

Xasan Maxamed Xaaji
Indiana, USA.