Waxgarka gobolka Bakool ayaa ka soo horjeestay qorshe ay wadeen wasiirada ku sugan Xudur oo lagu doonayay in lagu sameeyo maamulada degmooyinka gobolka Bakool.

maalmahaan waxaa u socday odayaasha iyo wxagaradka gobolka Bakool ayaa waxa ay ku gacan seyreen qorsheyaal ay wadaan wasiirada ku sugan Xudur oo ay ku doonayaan in ay dib u dhisaan maamulada degmooyinka 5 ta ah ee uu ka kooban yahay gobolka Bakool.

Waxgarkaasi ayaa waxa ay sheegeen in ay ka soo horjeedaan in xilalka degmooyinka gobolka Bakool dib loogu magacaabo ragii horey RRA dii burburtey ay magacowday, taasoo ay ku eeyeen wasiirada ku sugan Xudur in ay ku talo jiraan dib u magacaabista ragaasi.

Malaaq Macalin Aadan iyo Malaaq Max'ed Nuur oo ka mid ah waxgaraadkaasi ayaa waxa ay sheegeen in loo baahan yahay in loo magacaabo xilalkaasi dad u qalma isla markaana aan u badneyn hal qabiil waa sida hadalka u dhigeene.

Kulamo wadatashiyo ah oo wasiirada ku sugan Xudur ay la qaateen Odayaasha ayaa ku dhamaaday nmatiijo la'aan ka dib markii ay isku fahmiwaayeen qaabka loo dhisayo maamulada degmooyinka gobolka Bakool.

muxyadiin cali jimcaalle jakuula

jakuula@hotmailcom

muqdisho somaliya