Wasiirada hubeysan ee Magaalada Muqdisho gaar ahaan Labo Wasiir ayaa ka hor yimid in wax wadahadal ah lala yeesho Madaxweynaha Dowladda Federaalka Soomaaliya C/llaahi Yuusuf iyo Ra’iisal wasaarihiisa Cali Maxamed Geeddi inta ay jowhar ku sugan yihiin.

Wasiirka Ganacsiga Muuse Suudi iyo Wasiirka Ammniga Qaranka Maxamed Qanyare ayaa ku khilaafay xubnaha Labada Gole ee Muqdisho qorshi ahaa in wadada wadahadalka lala yeesho xubnaha ku sugan Jowhar.

Maxamed Qanyare ayaa ku adkeystay inuusan la hadli doonaan xubnaha ku sugan Jowhar ilaa ay raali gelin kaga bixiyaan qaladkii ay ka galeen Dastuurka.

Sidoo kale Xildhibaan Maxamed Ibraahim Xaabsade ayaa ka biya diidsan in wax wadahadalo ah lala yeesho xubnaha ku sugan Jowhar,isagoo ku eedeyay Madaxweyne C/llaahi Yuusuf inuu sabab u yahay dagaaladii ka dhacay Magaalada Baydhabo.

Muuse Suudi ayaa isna diidan qorshaha uu wadao Barre Hiraale ee ah in lala hadlo xubnaha Jowhar,wuxuuna caddeeyay in wadahadal imaan karo oo keliya marka ay xamar yimaadan Madaxweynaha iyo xubnaha kale.

jakuula@hotmail.com