Q,M oo jowhar u aqoon satay xarunta ku meelgaarka ee somaliya iyo Fall oo diiday inuu Muqdisho tagayo

Wakiilka gaarka ah ee xoghayaha Guud ee Q.M Fall oo maanta soo gaaray Magaalada Jowhar, ayaa kulan la qaatay Madaxweyne C/laahi Yuusuf Axmed,

waxayna ay ka wada hadleen sidii loo dhameyn lahaa is qabsiyada ka dhexeeyay maamulka DFS oo tan iyo markii laga soo laabtay Magaalada Nairobi uu khilaaf u dhaxeeyay.

Mr Fall oo shir jaraa'id ku qabtay Madaxtooyada ayaa sheegay in ay ka wada tashteen isaga iyo Madaxweynaha sidii loo xoojin lahaa hanaanka nabadda soomaaliya, islamarkaana soomaalidu ay dhexdeeda khilaafka ka jira xaliso.

Q.M waxa ay xarun KMG in ay dowladda u tahay aqoonsantahay Jowhar, inta laga xasilinayo Muqdisho" ayuu hadalkiisa ku sii daray Mr fall oo ku booriyay dhamaan hogaamiyayaasha soomaalida in ay soo afjaraan khilaafka u dhaxeeya.

isaga oo sii hadlaya ka hor inta aanu ku laaban Magaalada Nairobi Mr Fall waxa uu cadeeyay in uu jiro hindise ay wadaan oo ah sidii loo afjari lahaa khilaafka ka dhaxeeya dowladda, iyada oo la marayo hishiikii soomaalidu ay ku gaareen Nairobi, waxana uu soo dhaweeyay hindisaha Madaxweynaha oo ku aadan sidii soomaaliya nabad loogu soo dabaali lahaa qaranimadeedana loo soo celinlahaa.

"waxaan kawada tashanaya aniga iyo Madaxweynaha Soomaaliya iyo xubnaha Dowladda intaba ee ku sugan xarunta KMGka sidii loo sii ambaqaadi lahaa geedi socodka nabadda Soomaaliya' ayuu yiri, isaga oo ku sii daray in ay muhiim tahay in wax kasta laga hormariyo maslaxadda Dalka burburay ee Soomaaliya.

waxaan ku sii jeedaa New-york ayuu yiri oo aan kaga qayb gali doono shir golaha amaanku ay ku yeelan doonaa waxana halkaasi uga warbixin doonaa wada atshigan aan halkan (jowhar) kula yeeshay Madaxweynaha iyo sida dowladdu ay dadaal ugu jirto soo celinta nabadda dalka.

Madaxweynaha Soomaaliya C/laahi Yuusuf Axmed, isagu kama qayb qaadan shirkan jaraa'id, mana jiro ilaa iyo haatan wax war ah oo ku saabsan kulanka uu la qaatay Mr Fall oo ka soo baxay Xafiiskiisa.

Intii uu noo socday Kulankii aan la yeeshey madaxweyne C/laahi Yuusuf waxaan maqlay war ku saabsan in la qaarjin rabay mid ka mid ah wasiiro k/xigeenada ku sugan magaalada Muqdisho oo ka tirsan DFS taasina waan cambaareynayaa ayuu yiri Fall

Waxaana soo if baxaayey mudooyin kaan danbe dadaal uu doonayo inuu ku soo af jaro wakiilka Q,M Fall kala qaybsanaanta xubnaha labada gole ee ku kala sugan muqdisho iyo jowhar

Muxyadiin cali jimcaale jakuula

jakuula@hotmail.com

muqdisho somaliya