Wasiirka amniga qaranka dowladda FS Max'ed Qanyare Afrax ayaa waxa uu sheegay in wax wada hadal aanu la yeelaneyn Ra'isulwasaaraha dowladda FS prof. Cali Max'ed Geedi oo isagu ku sugan magaalada Muqdisho.

Wasiirka aniga dowladda FS Max'ed Qanyare Afrax oo u waramayay saxaafad ayaa waxa uu sheegay in Madaxweynaha iyo Ra'isulwasaaruhu ay yihiin rag hareermaray sharciga, taasina ay ka dhigeyso in aanu jirin wax kala sareyn ah iyo dowlad toona, isagoo intaasi kuy daray in marka ay ka soo guuraan magaalada Jowhar oo ay yimaadaan Muqdisho oo ay ka shaqeeyaan ay taasi keeneyso in la wada hadlo oo la isku soo dhawaado, balse inta ay Jowhar joogaan aanu wax wada hadal ah iyo kulamo aanu la yeelan doonin.

Wasiirka amniga Qaranka Max'ed Qanyare Afrax ayaa waxa uu sheegay in Imaashaha Ra'isulwasaare Geedi isagu aan waxba ka quseyn isla markaana aanu wax kulan iyo wada hadal aanu la gali doonin.

Qoraalo uu sheegay in Kenya ay geeyeen Ra'isulwasaare Geedi iyo xubnaha Jowhar taasoo uu ku sheegay in ay doonayeen in ay ku xiraan Airaboorka Dayniile iyo Ceel-axmed Balse ay u suurtogaliweysya, isagoo sheegay in ay ku fashilmeen howshaasi isla markaana Airaboorka Deryniile uu yahay mid iminka si caadi ah u shaqeeya uuna yahay Airaboor Private ah oo si gaar ah loo leeyahay kuna shaqeysato Ganacsato.

Hadalka wasiirka amniga qaranka ayaa yimid xilli Shalay magaalada Muqdisho ay soo gaareen Ra'isul-wasaare Cali Max'ed Geedi isla markaana uu sheegay in wada hadal uu la galaayo xubnaha golihiisa wasiirada ee xagga siyaasadda isaga soo horjeeda.

Muxyaadiin cali jimcaalle jakuula

jakuula@hotmail.com

muqdisho somaliya