Golaha amaanka ee Q,M ayaa ansixiyay qaraar lagu cambaareynayo sare u kaca qulqulka hubka ee Somaliya sida sharci darada ah ku soo galaya kaasoo golaha amaanka uu ku tilmaamay mid xadgudub ku ah cunaqabteyntii 13 jirsatay ee Q.M Soomaaliya ku soo rogtay 1992 dii.

Guud ahaan 15 ka dal ee xubnaha ka ah golaha amaanka ee Q,M ayaa shalay waxa ay cambaareyn dusha kaga tuureen sare u kaca weyn eeku yimid qulqulka hubka iyo rasaasta ee soo galaya Somaliya oo ay ku tilmaameen mid xadgudub ku ah xayiraada xagga hubka ee Q.M ay dul saartay Somaliya sanadkii 1992 dii, Waxaaana sidoo kale golaha uu ku tilmaamay arintan halis weyn oo hortaagan hanaanka nabadda ee Somaliya.

Golaha amaanka oo sheegay in xaaladda Somaliya ay halis ku tahay nabada iyo amaanka caalamka ayaa golaha waxa uu ugu baaqay xoghayaha guud ee Q.M Mr.Kofi Anan in gudiga soo indha indheynaya isla markaana ilaalinaya xadgudubyada loo geysto xayiraada hubka ee saaran Somaliya in mudo 30 cesho

gudahooda la howlgaliyoi mar kale oo ka bilaabaneysa taariikhda la qaatay qaraarkani iyo in gudigaasi loo sii kordhiyo mudo 6 bilood ah in ay sii indho indheeyaan xayiraada xagga hubka ee saaran Somaliya.

Gudigaan ayaa howshiisu ay tahay in uu dib u eego xayiraadii hubka ee la saaray Soimaliya sanadkii 1992 dii ka dib markii Somaliya ay gashay Fowdo sanad ka dib markii xukunka laga tuuray madaxweynihii hore ee Somaliya Max'ed Siyaad Barre.

Golaha ayaa gudigani waxa uu ku amray in gacan uu ka geysto sheegista goobaha gobolka Geeska Africa ee la xoojin karo si loo ilaaliyo xayiraada xagga hubka ee Saaran Somaliya, waxaa sidoo kale goilaha uu ka dalbaday Gudigani in ay dib u soo cusbooneysiiyaan oo ay soo bandhigaan shaqsiyaadka iyo dalalka k xadgudbay talaabooyinkan hubka lagu soo galinayo Somaliya, iyadoo sidoo kale Golaha uu sheegay in la carabaabo dadka iyagu gacan ka geysta in Somaliya hub la soo galiyo si golaha amaanka talaabooyin uu uga qaado dadkaasi.

War bixinta la siiyay golaha amaanka oo Gudigaan ay diyaariyeen ayaa waxaa lagu sheegay dowladaha Ethiopia, Yemen iyo wadan 3aad oo aan la magacaabin oo ku yaala geeska Africa in ay ku xadgudbeen xayiraada hubka saaran Somaliya oo hub fara badan ay u qeybiyeen kooxaha is haya ee ka wada tirsan dowladda FS.

Waxaa intaasi dheer oo war bixinta loo gudbiyay golaha amaanka ay xuseysay in dad ka ganacsatada hubka oo ah shaqsiyaad una dhashay wadanka Yemen iyo kooxda Jabhadda ee wadanka Ethiopia ee la yiraahdo ONLF in ay sii hurinayaan xasiloonida Soomaliya, iyagoo hub keenaya suuq ku yaala magaalada Muqdisho waa sida lagu sheegay war bixintaasi.,

War bixinta ayaa dowladaha Ethiopia iyo Yemen lagu eedeeyay in hub ay siiyeen dowladda FS garabka Jowhar ee madaxweyne C/laahi Yuusuf oo isagu kaga careysiiyay hogaamiyeyaasha Muqdisho markii uu diiday in yy yimaada magaalada Muqdisho, isagoo fariisin ka dhigtay magaalada Jowhar.

War bixinta ma aysan xusin wadanka 3aad ee ku lugta leh shixnadaha hubka sharci darada ah ee Somaliya la keenayo laakiin gacan yareyaal ku dhow Madaxweyne C/laahi Yuusuf ayaa dhowr jeer oo hore waxa ay sheegeen in Ereterea ay hub keento Somaliya ayna siiso kooxaha ka soo horjeeda madaxweyne C/laahi Yuusuf, iyadoo kaga aargudaneyso taageerada Ethiopia ay siiso dhinaciisa.

Bishii Luliyo ee sanadkan ayay aheyd markii golaha amaanka uu gaashaanka ku dhuftey codsiyo ka soo yeeray madaxweyne C/laahi Yusuf oo ah in la qafiifiyo xayiraada xagga hubka ee Somaliya si loogu ogolaado ciidamo nabad ilaalineed oo ka socda gobolka in ay soo galaan Soamliya.

Golaha waxa uu ka digay xiligaasi in talaabo ceenkaan oo kale ah ay sii hurin karto ififaalo dagaal oo iminka ka muuqda qeybo ka mid ah Somaliya

muxyadiin cali jimcaalle jakuula

jakuula@hotmail.com