Qanyare oo Eedeyn usoo jeediyey wadamada Italy, Yemen iyo Ethiopia

 Maxamed Qanyare Afrax wasiirka amniga qaranka ayaa eedeeyn ba’an  usoo jeediyey dawladaha Yaman ,Italy iyo Ethiopia oo ku tilmaamay in ay yihiin kuwa ka shaqeynaya hurinta dagaalo cusub oo ka aloosma gudaha Somalia .Qanyare ayaa sheegay in dawladahan ay la safteen garabyada dawlada mid ka mid ah ayagoo siinaya lacago iyo hub.

 Wasiirku waxa uu sheegay in dawlada talyaanigu ay deeq fara badan oo lacag siisay garabka dawlada ee Jowhar ku sugan ,asagoo dawladaha Ethipia iyo Yamanna sheegay in ay hub fara badan soo siiyeen xubnaha sar sare ee dawlada  si ay u abuuraan dagaalo hor leh.

 Qanyare ayaa ugu baaqay dadka ku dhaqan gobolka Banaadir in ay isugu soo baxaan dibad baxyo lagu muujinayo xadgudubka dawladahaasi..

 Wasiirka amniga qaranka ayaa ku baaqay in la qaado isbaarooyinka yaalla gudaha magaalada Muqdsho ,wuxuuna ka codsaday saxaafada in ay iftiimiyaan dhamaan dadka ay isbaaradu utaallo “saaka waxaan dhageysanayey mid ka mid ah idaacadaha magalada Muqdsho oo sheegeysa maleeshiyooyinka ku heyb ah wasiirka amaanka ayey isbaaro u taallaa,maa la sheego isbaarooyinka u yaalla Geedi iyo ku xigeenkiisa Xuseen Caydii” ayuu yiri Maxamed Qanyare Afrax.

 Maxamed Cumar Sheekh(Maxamed Cadde
Rochester   Somali Tv   Muqdisho