Maxamed Qanyare oo dhaleeceen u jeediyey C/laahi
Yuusuf Axmed.
wasiirrka amaanka qaranka dawlada federaalka kumeel gaar ka ah ee
Somaliya maxame Qanyre afrax oo u waramayay barnaamijka Networka Africa
ee BBC-da ka baxa ayaa sheegay in degitaanka madaxweynaha ee magaalada
Jowhar uu yahay mid aan wax sharci ah ku dhisnayn khilaafsanna wixii ay
kusoo gaareen wadanka kenya.
wasiirku waxa uu sheegay in degitaanka Jowhar uu yahay mid khilaafaya
wixii ay ku gaareen Kenya oo cahdi qarameed ah wuxuuna sheegay
dastuurkii ay wada dhigteen goob joogayaalna ay ka ahaayeen wakiilada
urur goboleedka Igad uu khilaafayo wuxuu madaxweynaha ku dhaqaaqay.
maxamed qanyare ayaa sheegay in hadalka madaxweynaha iyo
ra'isulwasaaraha ee ah in Muqdisho ay tahay meel qatar ah uu yahay mid
wax kama jiraan ah ,asagoo taasina ku sheegay in muhumada ugu weyn
madaxweynaha iyo ra'isulwasaarahuba ay tahay nabadeynta magaalada
Muqdisho.
wasiirku waxa uu sheegay in nabadeynta Muqdisho looga fadhiyo madaxda
sar sare ee dawlada asagoo u jeeda madaxweynaha iyo ra'isulwasaaraha .
hadalka Qanyare ayaa yimid ka dib imaanshihii maalintii shalay uu yimid
madaxweyanah dawlada Soomaliya C/laahi Yuusuf Axmed magalaada Jowhar ee
xarunta gobolka Shabeelaha dhexe.
hadalka Qanyare ayaa muujinaya in wali khilaafkii ka dhexeeyay xubnaha
labada gole uu meeshiisii taaganyahay oo aan la xalin.
Maxamed Cadde
Rochester Somali Tv Muqdisho
