Ra'isulwasaaraha dowladda FS Prof. Cali Maxamed Geedi iyo wafdi uu hogaaminayo oo ka soo kictamay magaalada Nairobi ee caasmada dalka kiinya ayaa maanta soo gaaray magaalada Jowhar.

Wafdiga uu hogaaminayo Ra'isulwasaaraha ayaa soo degey 10 barqo nimo isagoo safaro ku soo kala bixiyay meelo kala duwan oo ay ka mid tahay wadanka Talyaniga ayaa maanta si weyn loogu soo dhaweeyay garoonka diyaaradaha magaalada Jowhar ee xarunta gobolka Sh/dhexe, iyadoo soo dhaweyntiisa ay ka qeyb qaateen xubnaha labada gole ee ku sugan Jowhar iyo gudoomiyaha gudiga siyaasada gobolka shabeelda dhexe maxamed cumar xabeeb maxamed dheere

Intii wafdiga Ra'isulwasaaraha ay joogeen magaalada Nairobi ayaa waxaa jirey dadaalo ay sameeyeen beesha caalamka oo lagu doonayay in lagu wada hadal siiyo Ra'isulwasaare Geedi iyo Gudoomiyaha Baarlamanka Shariif Xasan Sheekh Aadan oo xiligaasi ku suganaa Nairobi hasayeeshee kulankaasi uu fashilmay ka dib markii labada mas'uul mid ka mid ah goobta uu soo xaadiri waayay.

Waxaa jirtey in Geedi iyo SHariif Xasan intii ay Nairobi ku sugnaayeen uu ku wehliyay madaxweyne C/laahi Yuusuf oo uga sii gudbay Nairobi wadanka boqortooyada Sacuudiga mana jirin wax kulan ah oo dhex maray 3 daasi mas'uul.

Waxaa la sheegay xiriiro hoose oo dhexmaray Ra'isulwasaare Geedi, Cismaan Caato iyo Maxamed Qanayer mana la xaqiijin waxyaabihii ay ka wada hadleen ayana herba ka bilaabeen qilaafkii u dhaxeeyey

Muxyadiin Cali Jimcaalle Jakuula
Muqdisho Somaliya