Nin lagu eedeynayo in uu ka dambeeyay dilka Nin Ganacsade ah oo lagu qaarjiyay degmada Baardheere ee gobolka Gedo ayaa maanta duhurii lagu qisaasay magaaladaasi.

Abaarihii 1 dii duhurnimo ee maanta ayaa waxaa magaalada Baardheere lagu qisaasay faarax Max'ed Mahdi oo ku magac Dheer Xabiib, Da'diisuna ay aheyd 26 jir isla markaana qirtey in uu gacantiisa ku dilay Ganacsade Cabdi Axmed Nuur Cabdi Yare oo habeenimadii talaadada lagu dilay Gudaha magaalada Baardheere.

Qisaastaas oo ka dhacday meel 4km dhinaca galbeed kaga toosan magaalada Baardheere ayaa ka dambeysay ka dib markii shalay nin kaan la qisaasay laga soo qabtay Tuulada Ceel-cilaan oo ka tirsan degmada Baardheere, isla markaana eheladii labada dhinac ay ku heshiiyeen in xaaladda lagu dhameeyo hab qisaas ah,taasi oo ugu dambeyntii sababtay in beesha uu ka soo jeedo ninka la qisaasay in lagu wareejiyay Faarax Max'ed Cariif Dabadeedna maanta mee fagaaro ah lagu toogtay.

jakuula@hotmail.com