Kooxo hubeysan oo aan la garaneyn ayaa xalay ku dhex toogtay dukaan uu ku lahaa Degmada Baraawe nin ganacsade ah, iyadoo hantidii dukaanka tiilay ay la wareegeen kooxahaasi Maleeshiyaatka ah .

Ilo xog ogaal ah oo ku sugan Degmada Baraawe ee Gobolka Sh/hoose ayaa u xaqiijiyay Rochester Somali Tv falkan oo dhacay xalay saacadu marka ay aheyd 7-da fiidnimo , kooox hubeysan oo aan la garaneyn ay ku soo weerareen marxuumka geeriyooday rug uu ku ganacsan jiray oo ku taala xaafadda Bagdaad ee Degmada Baraawe , iyadoo isla markaana halkaasi ay ku dileen maleeshiyadaasi ganacsadaha , waxa ayna la wareegeen hantidii uu lahaa ee dukaanka u tiilay.

Marxuumkan ayaa lagu magacaabi Jiray C/qaadir Baanawaare oo lagu sheegay da’diisa 20 jir , kana shaqeysan jiray dukaan lagu iibiyo cuntooyinka daruuriga ee qoyska .

Falkan dilka ah ayaa maamulka Degmada Baraawe aanu weli war ka soo saarin ,inkastoo falal dil ah ay horey uga dhaceen degmadaasi ,

Dilka noocan ah ayaanu aheyn markii ugu horeysay ee uu ka dhaco Degmada Baraawe ee Gobolka Sh/hoose tan iyo muddooyinkii ugu dambeeyay sida ay xaqiijiyeen qaar ka mid ah dadka ku dhaqan Degmadaasi.

Muxyadiin Cali Jimcaalle Jakuula

jakuula@hotmail.com

Muqdisho Somaliya