Nin af duub loo hays tay in ka badan laba Bilood oo maanta la Dilay

Koox dabley ah oo hubeysan ayaa dilay Ciise Macalin Cabdulle oo ahaa Ganacsade ka shaqeeya qeybta Daawada ee suuqa Bakaaraha ee Muqdisho kadib markii ay waayeen adduun madax furasho ah oo ay weydiisteen reerkii uu ka dhashay.

Raggan ayaa heystay ku dhowaad illaa 70 maalmood, waxaana ay ninkan ka soo qabteen xilli uu u socday gurigiisa oo ku yaala agagaarka Fagax ee degmada Yaaqshiid ee magaalada Muqdisho xilligaasoo wararku tilmaameen inuu safar u ahaa Jamhuuriyadda la magac baxday Somaliland.

Reerka uu ka dhashay Ciise ayaa RSTV u sheegay inaysan awoodin lacagta ay raggaasi weydiisteen, waxayna xalay inoo sheegeen bey yiraahdeen, haddii aan lacagta la keenin in maalinka beri ah ay ku arki karaan meydka marxuumka Afaafka hore ee Wasaaradda Gaashaandhigga ee duleedka magaalada Muqdisho,waxayna qoysku intaa ku dareen inay saaka subaxnimadii la kulmeen meydkiisi oo yaala goobtii ay xalay ku dhawaaqeen Burcaddu, iyagoo sheegay inay Xarig ku xireen dabadeedna ay madaxa xabad kaga dhufteen.

Falalka arxan daridda ah ee ay ku dhaqaaqaan Burcadda wax af duubata ayaa naxdin iyo walaac xooggan ku abuura shacabka, waxaana ay falkan lagu tilmaamay kii ugu xumaa ee soo mara maalmahan magaalada Muqdisho.

muxyadiin cali jimcaalle jakuula

jakuula@hotmail.com

muqdisho somaliya