Dr. xasan Alturaabi waxa uu sheegay in qalalaasaha gudaha iyo khilaafaatka ka jira Soomaaliya ay sababtay inay gudaha u gasho goobaha looga hadlo arimaha Caalamiga si loo qota dheereeyo loolankooda , balse waxa uu tilmaamay in dharbaaxo yar Mareykanka uu kala kulmay Soomaaliya uu u dulqaadan waayay , Soomaalida ilaa iyo iminka awood uma aaney helin ayuu yiri Xasan Alturaabi in hagaan naftooda oo ay dhistaan Xukuumad iyo Hogaan.

Mar uu Dr. xasan Alturaabi ka hadlayay arimaha Soomaaliya iyo Ethiopia ayaa waxa uu sheegay in Ethiopia ay haboon tahay in daris wanaag ay kula dhaqanto Soomaaliya , balse waxa uu sheegay in hadii ay musuqmaasuqaan Soomaaliya ay taa sababeyso inuu dhibaateeyo Soomaaliya iyana waxyeelo uu u geysto .

Hogaamiyahan Mucaaradka ee Suudaan oo booqanaya dalka Eretariya ayaa sheegay in dabkii qabsada dariskaaga uu ku soo faafayo gurigaaga , samafalka iyo kheyrka halkaa ka yimaada ayuu sheegay inuu gaarayo , sidaa oo kale ayuu ku nuux nuuxsaday Dr. Alturaabi in Ethiopia ay dooneyso goob loo maro badda , uma diideen ayuu yiri in la ii maro dhinaca badda isagoo socdaalaya soona laabanaya ama ha noqdo mid wax dhoofinaya mise la soo degaya qofkaasi .

Hogaamiyaha Mucaaradka ee Xisbiga Kongreska Shacabka Suudaan Dr. Xasan Alturaabi oo wareysi siiyay wargeyska Asharqalawsat ee ka soo baxa magaalada London ayaa waxa uu sheegay in Alqaacida ay tahay wax ay mala awaaleen Mareykanka iyo reer galbeedka , tusaale ayuu yiri hadii aad aado Soomaaliya ama dal ku yaala Galbeedka Afrika ama Yurub waxa ay kugula hadlayaan luqadooda iyo wax soo saarka aqoontooda , waxaaba laga yaabaa ayuu yiri in ay qaateen mowqif toosan oo ku aadan halista cusub ee loogu magac daray argagaxiso .

muxtadiin cali jimcaalle jakuula

jakuula@hotmail.com

muqdisho somaliya