Dawlada Soomaaliya oo sheegtay in midowga yurub uu ugu deeqay
lacag gaaraysa 40 milyan oo lacagta yurub ah.
raisulwasaaraha dawlada ku meel gaarka ah ee Soomaaliya Cali maxamed
geedi ayaa maanta shaaca ka qaaday in dawladiisa loogu deeqay lacag
gaaraysa 40 milyan oo lacagta yuurowga ah.
ra'isulwasaaraha ayaa hadalkan maanta ka sheegay kulanka golaha
wasiirada dawlada ku meel gaarka ah ee Sooomaaliya ay ku yeesheen
magaalada Jowhar ee xarunta dawlada.
kulankan maanta ka dhacay magaalada Jowhar waxa shir gudoominayay
ra'isulwasaare geedi waxaana looga hadlayay nabadeynta magaalada
muqdisho iyo dar dar gelinta howlaha dawlada ee wadanka Soomnaaliya oo
dhan .
geedi waxa uu sheegay in loo baahanyahay in caalamka loo muujiyo wax
qabadka dawlada so howlahaasi loo gaarana loo baahanyahay in siyaasada
dawlada lawada gaarsiiyo guud ahaan gobolada dalka.
markii uu kulanka golaha wasiirada soo gabagaboobay waxaa saxaafada la
hadlay wasiirka warfaafinta maxamed cabdi xayir .mr xayir ayaa sheeegay
in waxyaabihii maanta looga hadkay kulanka golaha wasiirada gebi ahaan
la isku wada raacay asagoo tilmaamay in midowga yurub uu xafiis ka
furanayo magaalada jowhar.
xafiis ka furaashada midowga yurub ee magaalada jowhar ma ahan mid cusun
oo horey waxaa u jiray hadal ka oo kale ah oo kasoo yeeray ururka midoga
afrika ka dib markii saraakiil ururkaasi ka tirsan ay booqdeen magaalada
jowhar.
waxaa kaloo lagu waramayaa in magaalada jowhar ay xarumo ka furanayaan
wadamo dhowr ah oo ay ka mid yihiin Masar ,Kenya ,Talyaaniga iyo wadamo
kale.
laakiin haddii ay arintaa dhacdo waxaa laga yaabaa in uu cirka isku sii
shareero khilaafka u dhexeeya xubnaha dawlada ee ku kala sugan
magaalooyinka Jowhar iyo muqdisho.
Maxamed Cumar Sheeq.
Rochester Somali Tv ,Muqdisho.
