Madaxa arimaha horumarintra iyo gargaarka biniaadanimada midowga Yurub Louis Michel, ayaa ka dhawaajiyay maanta in golaha midowga yurub uu dhowaan ergay gaar ah u magacaabayo Soomaalia islamarkaana xafiis uu ka furanayo magaalada Jowhar.

War saxaafadeed laga soo saaray xarunta midowga Yurub ee Brusels lana soo gaarsiiyay nuql kamid ah Shabakdda warbvaahinta shebella ayaa lagu sheegay in Louis Michel iyo Raiisul wasaare Geedi oo ku sugan magalada Brusells ee xarunta dalka Belgium kulan ay qaateen ay diiradda ku saareen arimaha horumarka ah ee dhowaantan laga gaaray dhinaca geedi socodka nabadda Soomaaliya iyo weerarkii dhowaantan raiisulwasaare geedi loogu gaystay magaalada Muqdisho.

Commissioner Michel ayaa ku adkaystay in Soomaaliya aanay xal u ahayn in la sugo oo isha laga daawado islamarkaana xasilooni ka dhalata Soomaaliya ay tijaabo u noqonayso istaraajiyadda cusub ee midowga yurub uu ku leeyahay Afrika .

Mr, Michel wuxuu si aan gabasho lahayn u taageeray talaabooyinka uu Raiisulwasaare geedi wado ee uu ku doonayo in wadahadaladu ay dhexmaraan gudaha waaxyaha dowladda.

Louis Michel wuxuu shaaca ka qaaday in in kabadn €10 million oo Yuuro ah loo qondeeyay kaalamada dowlada Soomaaliyeed si ay wax uga qabato arimaha amaanka iyo deeganka, waxaa kale oo uu sheegay in goluhu uu siinayo lacag dheeri ah oo gaaraysa € 49 million oo yuuro ah si loogu taageero barnaamijka dib u dhiska iyo horumarinta dalka Soomaaliya ee loo yaqaan (RDP).

Wuxuu sidoo kale ugu baaqay dhamaan hogaamiyaasha dowladda inay meel iska dhigaan farqiga u dhexeeya tusaalena ay ka dhigtaan taageerada midowga Yurub isagoo ugu baaqay inay u adeegaan danaha waaxyaha dowladda iyo muwaadiniinta Soomaliya.

Madaxa Midowga Yurub ee arimaha Horumarinta iyo gargaarka baniaadanimada louis Michel wuxuu Cambaareeyay isku daygii la doonayay in lagu qaarijiyo geedi ee ka dhacay Muqdisho 6 november isagoo sidoo kalena tacsi u diray qoyskii ay ka geeriyoodeen 6 qofood oo weerarkaasi ku geeriyooday.

Dhinaca Kale ku xigaha xoghayaha amuuraha dibadda ee dalka talyaaniga Alfredo Mantica ayaa Raiisulwasaare Geedi ku booriyay inuu doorto habka ugu wanaagsan ee xal loogu heli karo waaxyaha kala gedisan ee dowladda si loo dhameeyo qilaafka jira.

Raiisulwasaare Geedi ayaa isgana dhinaciisa uga mahadceliyay dowlada Talyaaniga kaalmada Dhaqaale ee gaaraysay 10 million oo Yuuro ah taasoo Talyaaniga uu gar gaar ahaan uu u soo gaarsiyay Dowlada federaalka ah iyadoo loo soo mariyay qaramada midoobay.

Muxyadiin Cali jimcalle jakuula

jakuula@hotmail.com

Muqdisho Somaliya