Midowga Maxkamadaha Muqdisho ayaa shaaciyey iny gacata ku dhigeen ninkii lagu ee deeyey inuu ka danbeeyey gowraca Laba Nin oo walaalo ah,

Gudoomiyaha midowga maxkmadaha islaamiga ee magaalada Muqdisho Sheekh Shariif Sheekh Axmed oo waramayey RSTV ayaa xaqiijiyay qabashada C/qaadir Xasan Max'ed Dheere oo lagu eedeeyay in uu ka dambeeyay gowricii marxuumiinta Xaaji Saalaxa iyo Abuurkar oo dhowaan, iyagoo qalan meydkooda laga helay agagaarka Jaamacadda Gaheyr ee magaalada Muqdisho.

Gudoomiyaha midowga maxkamadaha Muqdisho Sheekh Shariif ayaa waxa uu sheegay in laga soo qabtey suuqa Darmooleey oo u dhaxeeya suuqa Xoolaha iyo Ceel Carfiid oo ku yaala wadada Balcad.

Sheekh Shariif Sheekh Axmed ayaa sheegay in aysan wax dhib ah kala kulmin soo qabashadiisa, balse ay gacan ka geysteen dadka degaanka iyo waxgarad ka damqaday falkii aragagaxa lahaa ee ka dhacay magaalada Muqdisho.

Gudoomiyaha Midowga Maxkamadaha Muqdisho ayaa waxa uu sheegay in ay jireen labo gaari oo tikniko ah oo u kireysnaa eedeysanaha balse la kala badbaaday oo wax dhibaato ah aysan dhicin.

Gudoomiyaha midowga Maxkmadaha Muqdisho ayaa sheegay in ninka la soo qabtay in uu ka baxsaday saldhiga degmada Yaaqshiid isla markaana uu sabab u ahaa sii deynta 9 gacan ku dhiigle oo ku xirnaa xabsigaasi, waxa uu ku daray in ninkaasi uu qeyb ka qaatay 40 afduub isla markaana uu jarjaray dad jirkooda, waxa uuna sheegay in ninkaasi uu ahaa nin ay si weyn ugu raadjoogeen.

Talaabada ay qaadeen midowga maxkamadaha Muqdisho oo ay ku bartilmaameedsanayaan kuwa dhibaatada u geysanaya shacabka ayaa ah mid ay taageero kaga heleen guud ahaan dadka ku nool magaalada Muqdisho.

Muxyadiin Cali jimcaalle jakuula

jakuula@hotmail.com

Muqdisho Somalia