Meydkii Madaxweyne ku xigeenkii Sudan  islamarkaasna ahaa hoggaamiyihii jabhadda SPLA John Grang Mbiyor oo maanta loo duulinayo foonfurta sudan ee Jubba

 

Kumanaan kun oo qof oo ka kala socda kaniisadaha kala gedisan ee dalka kenya ayaa maalintii labaad waxay ku sugganyihiin xafiiska jabhadda SPLA ay ku lahaayeen magaaladda nairobi halkaasi oo lagu qabtay munaasabad loogu ducaynayo hoggaamiyaha geeriyooday ee John Grang Mbiyor oo 60 jir ahaa

 

Munaasabadani oo ay ka soo qaybgaleen mas"uuliyiin sar sare oo ka kala socday dawladda kenya,safaaradaha reer galbeedka iyo waliba xubno ka tirsan jabhadda SPLA,ayaa waxaa halkaasi ka hadlay dhowr mas"uul iyo waliba wadaadada madhabta katoliga oo goobtaasi uga akhiyey ducooyin dhowr ah

 

Sanduuqa loogu talo-galay in lagu aaso madaxweyne ku xigeenka sudan ahna hoggaamiyaha jabhadda ee SPLA ayaa waxaa la huwiyey calanka dalka sudan,Waxaanna lagu wadaa in meydkiisa la geeyo Juba halkaasi oo loogu talo galay in lagu buddhigo

 

Tan iyo markii uu geeriyooday John Grang Waxaa jirtay iska hor imaadyo ka dhacayey meelo ka mid ah caasimadda sudan ee Khartuum islamarkaasna ay jireen dad ku geeriyooday shaqaaqooyinkii ka dhacay daafaha magaaladda Iyadoo ay jireen iska hor imaad-yo kale oo xagga koonfureed ee dalkaasi ku dhex maray dad carab ah iyo dhalinyaro reer koonfureed ah

 

Ammaanka magaaladda khartuum ayaa aad loo adkeeyey kadib geeridii madaxweyne ku xigeenka waxaanna ilaa iyo shalay ku labo raadlaynayey waddooyinka waawayn ee magaaladda khartuum ciidanka booliiska ee loo yaqaanno GSU-da

 

Dhalinyaro faro badan oo ka qaybqaadanaysay qabshadihii ay dadka badani ku dhinteen ayaa xabsiga loo taxaabay Iyadoo aan loo aabayeelaynin kooxaha xasilooni darada ka wada gudaha magaaladda Sidaasina waxaa sheeggay Saraakiil ka tirsan xukuumadda sudan

 

Jabhadda u dhaqdhaqaaqdo dadka reer koonfureed ah ayaa waxay durbadiiba buuxiyeen jagadii uu ka geeriyooday John Grang oo muddo ka badan 22 sanadood dagaal kula jiray xukuumadda sudan islamarkaasna hoggaaminayey jabhadda SPLA,Taasi oo ay isku raaceen in ay u magacaabaa jagadaasi Salva Kiir oo ahaa xubin aad ugu dhawaa hoggaamiyaha geeriyooday

 

Sikastaba ha ahaatee hoggaamiyaha geeriyooday ayaa waxaa lagu wadaa in maalinta Sabtiga ah lagu aaso Jubba sida ay sheeggeen guddigii loo xilsaaray aaska madaxweyne ku xigeenka sudan Mr John Grang

 

War hadda ina soo gaarayna waxuu uu sheeggayaa in hoggaamiyaha cusub ee bedelaya John Grang uu kulan kula leeyahay magaaladda Khartuum duplamaasiyiin maraykan ah iyo saraakiil ka socoda qaramada midoobay,Waxaanna laga soo sheeggayaa magaaladda khartuum in ay wali ka soconayaa iska hor imaadyadda u dhexeeya taageerayaasha hoggaamiyaha geeriyooday iyo dad carab ah

 

 

Mursal Quulle RSTV Xafiiska Nairobi