Maamulka degmada Buulo Burde ee gobolka Hiiraan ayaa waxa ay maanta ugu hanjabeen Gudoomiyaha gobolka Sh/dhexe Max'ed Cumar Xabeeb Max'ed Dheere in hadii uusan ciidamadiisa uusan kala bixin gobolka Hiiraan aysan gacmaha laaban doonin.

Gudoomiyaha degmada Buulo Burde Cabdi Iiidow Sabriye oo maanta shir jaraa'id ku qabtey gudaha magaaladaasi ka dibna u waramay RSTV ayaa waxa uu sheegay in ay jiraan ciidamo taabacsan maamulka max'ed Cumar Xabeeb Max'ed Dheere in ay ku jiraan degaano ka tirsan gobolka Hiiraan gaar ahaan degmada Jalalaqsi iyo degaano kale.

Waxa uu sheegay in mudo ah ay kala hadleen arinkaasi maamulka isla markaana ay ka dhaga adeegeen, isagoo tilmaamay in cidamadaasi ay ka qaadaan lacago canshuuro ah dadka degaanka iyo waliba gaadiidka.

Waxa uu xusay in arintaasi ka maamul ahaan aysan dib u eegan doonin,iyagoo ugu baaqay maamulka Max'ed Dheere in ciidamadiisa ay kala baxaan degaanada ka tirsan gobolka Hiiraan.

Cabdi Idow waxa uu sheegay in digniin kama dambeys ah ay tahay arintaasi haatan ka dibna aan loo dulqaadan doonin.

Gudoomiyaha degmada Buulo Burde Cabdi Iidow waxa uu intaasi kud aray in ay xireen dhamaan wadooyinka soo gala gobolka Hiiraan marka laga reebo wadada laamiga ah.

Waxa uu ka gaabsaday in waxa ay ku xireen ay yihiin ciidamo ka tirsan maamulka gobolka Hiiraan balse waxa uu sheegay in arintaasi ay tahay howl ciidan, isagoo uga digay dadka iyo gaadiidka in ay ka digtoonaadaan soo maritaanka wadooyinka gobolka Hiiraan.

Cabdi Iidow waxa uu sheegay in maamulka ka jira gobolka Hiiraan ee uu madaxda ka yahay Dabageed in ay la shaqeynayaan balse aysan jirin wax dowlad Federaal ah oo ku sugan magaalada Jowhar iyo Muqdisho oo wada Shaqeyn ay kala dhaxeyso maamulkiisa, isagoo ku tilmaamay in Jowhar ay tahay

jakuula@hotmail.com