Gudoomiyaha maxakamadda Al furqaan oo ka dhisan magaalada Muqdisho ayaa waxaa uu sheegay inay weerarayaan hotelka Saxafi ee magaalada Muqdisho kadib markii maliishiyaadka hotelku ay qabsadeen gaari kuwa dagaalka ah oo ay lahaayeen Maxkadaasi,.

Gudoomiyaha ayaa sidoo kale sheegay in maliishiyaadkaasi oo uu sheegay inay ka amar qaataan Ganacsade C/rashiid ilqeyte ay kala wareegeen bartii ay ku lahaayeen Km 4,isla markaasina waxaa jira dhaawac loo geystay ciidamadeena ayuu sheegay, waxaana uu carabka ku adkeeyay inay weerari doonaan Hotelka Saxafi iyo dhamaan hantida ganacsadaha haddii aan si dhaqso ah loogu soo celin gaaddiidkoodii.

Arintan ayaa ka dhalatay xalay markii Maxaakiimta islaamigu ay isku dayeen inay qabsadaan xarun shineemo ah hase ahaatee uu dagaal ku dhex maray maxaakiimta iyo dableydii shineemada oo ku taalay agagaarka Trebiano.

Si kastaba ha ahaatee waxaa socda dadaalo ay wadaan qaar ka mida saraakiisha beesha maxkamadda Al furqaan, kuwaasi oo doonaya inay qaboojiyaan xiisaddan kacsan iyagoo labada dhinac u kala dabqaadaya.

Muxyadiin Cali jimcaalle jakuula

jakuula@hotmail.com

Muqdisho Somaliya