Mas’uuliyiin ka socotay baanka aduunka ayaa ka dhoofay magaalada Jowhar.

 Maalmihii lasoo dhaafay waxaa magaalada Jowhar ee xarunta gobolka Shabeelaha dhexe ku sugnaa mas’uuliyiin ka socotay  baanka aduunka .Mas’uuliyiintan ayaa intii ay ku sugnaayeen magaalada Jowhar waxa ay kulamo kula yeesheen mas’uuliyin ka tirsan dawlada federaalka KMg ah ee Somalia sida wasiir ku xigeenka amniga qaranka C/Rashid Xidig  iyo wasiirka arimaha bulshada iyo xuquuqda aadanaha  Xueen Ceelaabe Faahiye.

 Mas’uuliyiintan ayaa waxa ay kawada hadleen sidii baanka aduunka uu kaalmo u siin lahaa wasaaradahooda uuna gacan uga geysan lahaa taaba gelinta howlaha dawlada federaalka.

 Sidoo kale wafdigan  ayaa waxa ay kulamo la qaateen wasiirka tamarta dawlada kumeel gaarka ah ee Somalia waxayna kawada hadleen sidii baanku uu gacan uga geysan lahaa  xoojinta tamarta iyo sidoo kale gacan ka geysashada qalabka tamarta laga dhaliyo.Mas’uuliyiintan baanka aduunka ayaa booqasho ku tagay xafiisyada golaha wasiirada oo dhawaan xariga lagaga jaray magaalada Jowhar ee xarunta dawlada kumeelgaarka ah ee Somalia.

 Mas’uuliyiintan ayaa maanta ka dhoofay garoonka dayaaradaha ee magaalada Jowhar

 

Gudoomiyaha xisbiga UCID ee Somaliland oo wax laga xumaado ku tilmaamay ka celintii magaalada Hargeysa Cisman caato.

Gudoomiyaha xisbiga mucaaridka ah ee UCID Faysal Cali Waraabe ayaa maanta sheegay in wax laga xumaado ay tahay ishortaagi lagu sameeyey Cisman Xasan Cali wasiirka howlaha guud iyo guryeenta oo isbuucan gudihiisa laga soo celiyey garoonka dayaaradaha ee magaalada Hargeysa.

 Mr.Waraabe ayaa sheegay in Caato uu ahaa dadka ugu dhow Somaliland uuna yahay nin ganacsi ballaaran ku leh maamulka Somaliland.Gudoomiyaha xisbiga mucaaridka ah ee UCID Feysal Cali Waraabe ayaa sheegay in ay raalli gelin ka bixinayaan falkaasi oo uu ku tilmaamay mid lagu degdegay wuxuuna sheegay in ay martiqaad ballaaran u sameynayaan Cismaan Caato.

 Dawlada Somaliland ayaa isbuucan gudihiisa waxa ay ishortaagtay in Caato uu gudaha usoo galo magaalada Hargeysa ayadoo ka celisay garoonka dayaaradaha magaaladaasi.Cambaareynta falka maamulka Somliland uu ku dhaqaaqay ayaan ku koobneyn Feysal Cali Waraabe balse waxaa horey u cambaareeyey madaxa salaadhiinta maamulka Somaliland .

 Madaxa salaadhiinta Somaliland ayaa asna Cisman Caato ka raali geliyey falkii lagula kacay asagoo sheegay in amarka looga celiyey soo gelitaanka Caato ee Hargeysa uu ahaa mid aan raali laga aheyn.

 

Maxamed Cumar Sheekh (Maxamed Cadde)
Rochester Somali Tv Muqdisho

Cadde_8@hotmail.com