Wasiirka arimaha dibadda Dalka Masar Axmed Abulgheyd ayaa kulan kula yeeshay magaalada Qaahira Wasiirka arimaha dibadda Soomaaliya C/llaahi Sheekh Ismaaciil oo booqasho ku jooga Caasimadda dalkaasi Masar .

Kulankaasi ayaa markii uu soo afmeermay ayaa waxaa saxaafadda la hadlay wasiirka arimaha dibada Masar Axmed Abulgheyd oo sheegay in kulanka isaga iyo dhigiisa Soomaaliya ay yeesheen uu ahaa mid ay iskula eegeen arimaha ka taagan gudaha Soomaaliya iyo sidii Soomaalida looga gacansiin lahaa qaabka ay uga baxeyso dhibaatada ay ku jirto iyo laga maarmaanshaha in ay dib u howlgaaln hey’adaha KMG ah ee Soomaaliya inta lagu guda jiro mideynta u jeedada ,aayaha iyo u adeegida Shacabka Soomaaliyeed oo khilaafaat ay daaliyeen .

Axmed AbulGheyd ayaa waxaa uu cadeeyay in Sanduuqa Masar ee Iskaashiga Afrika uu sameynayo ka baaraandegidda suurtagalnimada in kaalmooyin dhaqaale iyo mid farsamo oo cusub la gaarsiiyo Soomaaliya sida ay qortay wakaaladda wararka ee dalka Sacuudi