Dowladda Masar oo diyaarineyso dhexdhexaadinta dhinacyada is haya ee soomaaliya

Dowladda Masar ayaa bilowday inay xiriiro kala sameyso islamarkaasina la tashiyo la sameyso Q.M ,Jaamacadda Carabta ,Midowga Afrika iyo dalalka Dariska la ah dalka Soomaaliya qaban qaabada shirweynaha dib u heshiisiineed ee lagu dhexdhaxaadinayo qeybaha isqilaafsan ee dowladda federaalka soomaaliya sida uu qoray al-khaleej ee ka soo baxa dalka imaraadka carabta.

Mas’uuliyiinta Dowladda Masar ayaa wada tashiyo la yeelanaya Dowladda Ethiopia si loo agaasimo shirweynaha la isugu yeerayo wakiilada iyo madaxda Hey’adaha KMG ah ee Soomaaliya ee is afgaranwaaga uu u dhaxeeyo oo lagu heshiinayo shir ka dhacaya Magaalada Qaahira bisha fooda nagu soo heysa ee October.

dowladda masar ayaa bilihii la soo dhaafay mashquul ku aheyd howlaha dib u heshiisiinta Soomaaliya, si loo dhameeyo arimaha la xiriira hanaanka nabadda soomaaliya islamarkaasina loo soo celiyo xasiloonidii dalka soomaaliya.

xakuumada qaahira ayaa sidoo kale tilmaantay in ay la xiriireyso dhamaan qeybaha kala duwan ee kooxaha soomaaliya iyo weliba dalalka deeqaha bixiya si loo soo afjaro arimaha cakiran ee soomaaliya.

Muxyaddiin Cali Jimcaale Jakuula
Muqdisho Somalia