Guddoomiyaha Maamulka Gobolka Shabeelaha Hoose Sheekh Yuusuf Maxamed Siyaad (Indha Cadde) ayaa Canshuur ku soo rogay guriyaha dadweynaha, Xaafadaha, goobaha Ganacsiga, Baabuurta iyo kuwa kale,iyadoo tallaabadan ay tahay mid Maamulka kala tashay wax lagu sheegay waxgaradka Gobolka.

Dhawaan mar aan tagay Magaalada Marka waxaan ku soo arkay Haweenay lagu magacabayay Hindhiyo sheikh Cusmaan oo qori dabiisa lagu garacayo, taas oo diiday inay bixiso Lacagta Maamulka ku soo rogeen Gobolka.

Gabadhaas waxay wadatay Xijaab, Indha shareer,Waxay ahayd Islaan Cad, oo Caato ah,Indhaheeda waxaa ka socoday biyo,Waxyna Ooynaysay sababta loo dilayo oo ahayd arrin qalad ah, waxaa Labada dhinaca ka socday Labo Wiil oo ku hubeysan qoriyaha K47.

Guri kasta bishii waxaa laga doonayaa 30 kun oo shillin Soomaali iyo 2000 oo Maalin Walba, sidaas waxaa ii sheegtay Islaan lagu magacabayo Xaliimo oo aan kula kulmay Magaalada Marka.

Canshuurtan la soo rogay ayaa dadweynaha Magaalada Marka siyaabo kala duwan waxay uga doodayeen qaabka suuragalka u tahay bixinta Lacagtan oo ah mid aad u badan

jakuula@hotmail/com