Hay ada WFP, ayaa ugu baaqday madaxda Soomaalida inay hubiyaan in si haboon loo qeybiyo bariiska 850-ka tonn gaaraya ee saaran mid ka mida maraakiibteed ay soo kireysatay, kaasoo la siidaayey horaantii todobaadkan ka dib markii saddex bilood ay haysteen kooxo burcad badeed ah oo qabsaday markabkaasi mv samalow isagoo soo siday raashin la doonayey in lagu quudiyo 28,000 oo ruux oo ka badbaaday badgariirkii Sunaamiga ee ku dhuftay wadamada badweynta Hindiya.

Agaasimaha hay’ada WFP ee dalka Soomaaliya, Robert Hauser, ayaa yiri “waxaan ku boorinaynaa wakiilada ka kala socda dowlada FS iyo dekada Ceel-Macaan inay kala shaqeeyaan WFP sidii loo hubin lahaa in raashinka gargaarka ah si haboon loo maareeyo oo loogu qeybiyo dadka u baahan ee ku sugan Soomaaliya,” .

Markabka MV Semlow, waxaa lagu afduubtay xeebaha Soomaaliya 27-kii bishii June isagoo ka yimid magaalada Mombasa, ee dalka Kenya, iyadoo ay saaran yihiin 10-nin oo shaqaale ah iyo bariis loo siday gobolka Puntland.

Wararka ku dhawdhaw dakada ceelmacaan Ayaan Sheegaya in lagatay beriiskii Saarnaa markabka MV Samalow Oo Ahaan Macaawino Ay u waday hay ada WFP dadka Soomaaliyeed Ay wax Yeelado kasoo gaartay sunaamigii ku dhuftay badwayta Hindiya

Waa markii ugu horeysay taariikhda hay’ada WFP oo markab sida raashin samafal la afduubto.


Muxyadiin cali jimcaale jakuula

jakuula@hotmail.com