Dowlada Greeca oo la sheegay in ay markabkani laheyd ayaa waxa ay waday ilaa maalintii shalay aheyd baadi goob ay ugu jirto ogaashaha markabkan oo la sheegay in uu siday Batrool isla markaana ay ugu war dambeysay xukuumadda Greeca Fiidnimadii khamiista aheyd laguna waayay xeebaha Somaliya meel u dhow.

Markabkaan oo la sheegay in uu sitay calanka Jamhuuriyadda Malta ayaa lagu magacaabayay Sancarlos, waxaana kabtan ka ahaa nin u dhashay wadanka Greece ah, iyadoo 24 shaqaale ay saaran yihiin.

Markabkaan ayaa la sheegay in sidoo kale uu soo direy astaan muujineysa niyad jab in uu qal qal galay ah meel 170 mile gudaha badda xeebaha Soomaaliyeed ah sida ay sheegtay waaxda maariinka ganacsiga ee dalka Greece.

Waxaa laga cabsi qabaa hadaba m,arkabkan in ay qafaasheen sida wasaaradu ay sheegtay kooxihii iyagu horey u qafaashay maalinimadii arbacada aheyd markab kale oo isna calanka Maltiiska sitey oo lagu afduubtey biyaha caalamiga ah.

Saraakiil Soomaali iyo kuwa maaltiis ah ayaa waxa ay baadi goob ugu jireen helista markabkaasi tan iyo markii uu soo direy astaanta lagu ogaanayo in qal qal uu galay, waxaana arintaan ay ka dhacday gudaha badweynta sida saraakiisha ay sheegeen.

Markabkaasi Sancarlos ayaa la xaqiijiyay in uu ka soo shiraacday xeebta Baxreyn isla markaana uu ku sii jeeday K/afrika sida wasaaradu ay sheegtay xiliga la afduubanayay.

Wararka iminka soo baxayana waxa ay sheegayaan in markabkani uu ku sugan yahay xeebta Gaan ee degmaad Xarar-dheere ee gobolka Mudug.

jakuula@hotmail.com