C/laahi Yuusuf Axmed maddaxweynaha dowlada FS ayaa manta waxa uu ka degay garoonka dayuuradaha ee magaalada Boosaaso.  Madaxweynaha ayaa waxaa ku soo dhaweeyay garoonka Madaxweynaha mamulka goboleedka Puntland Gen. Cadde Muuse iyo xubno ka tirsan wasiirada iyo xildhibaanada maamulkaas, dadweynaha ku dhaqan gobalka Bari qaarkood iyagoo lulayeen caloomo qoyan.

 Safarkaan uu madaxweynaha ku soo gaaray gobolada maamul goboleedka Puntland oo uu horey madaxweyne ugu ahaa ayaa ah mid si kadis ah uu madaxweynaha ku yimid halkaas, iyadoo la sheegay ii xalay galinkii dambe uu soo sheegay in biri uu ku food leeyahay Boosaaso, safarada uu ku imaanayo Madaxweyne C/lahi Yuusuf ayaa noqdeen kuwo aan hore loo soo sheegin balse si kadis ah uu ku imaado halkuu doonayo.

 Maddaxeynaha iyo wafdigii uu hor kacayay ayaa haatan degan hotel lagu magacaabo National oo ku  yaala magaalada Boosaaso.

 Iyadoo dhawaana la filayo in ay magaalada Garoowe soo garan  xubno xildhibaano oo tiradoodu lagu sheegay iney yihiin shan iyo toban “15”, kuwaasoo kasoo kicitimey magaalada Nairobi, iyadoo qeyb horana oo uu Xasan Abshir hoggaaminayey ee ay ku sugnaayeen magaalada Garoowe, ayaa kuwan waxa ay ka dhigayaan qeybta labaad.