Madaxweynaha dowlada FS C/laahi Yuusf ayaa Gaalkacyo kulan xasaasi ah kula yeeshay odoyaasha qabaa’ilka….

 C/laahi Yuusuf Axmed madaxweynaha dowlada Federaalka KMG ee soomaaliya ayaa xalay waxa uu magaalada Gaalkacyo kulan xasaasi ah kula yeeshay odoyaasha qabaa’ilka ee gobalka Mudug.C/laahi Yuusuf oo shalay gaaray magaalada Gaalkacyo ayaa isla xalay waxa uu kulan xasaasi ah la yeeshay odoyaasha qabaa’ilka ee gobolka mudug.

 Waxaana la filayaa in madaxweynaha uu qabto shir jaraa’id oo uu ugu hadlayo safarka uu ku aadayo Jowhar, iyadoo sidoo kalana ay sheegayaan illo ku dhow dhow madaxweynaha inuu badaley go’aankiisii ahaa safarkii dhinaca dhulka uu ku mari lahaa, iyadoo wararku sheegayaan in magaalada Jowhar uu ku tagi doono diyaarad qaas ah, waloow warbixinadu ay sheegayaan in dhinaca wadadu ay mari doonaan ciidamada dowlada FKMG ah loo diyaariyey ee ku sugan deegaanka Abqaale.

 Dhinaca kale waxaa manta ka duulay garoonka dayuradaha ee Jowhar xubno uu hogaaminayay Ra’iisul Wasaare Cali Max’ed Geedi iyo Gudoomiyaha Siyaasada Gobalka Sh/Dhexe Max’ed Cumar Xabeeb “Max’ed Dheer” iyagoo u kicitamay dhinaca magaalada Gaalkacyo oo uu ku sugan yahay Madaxweyne C/laahi Yuusuf, waxaana wararka intaas ku darayaan in ay doonayaan xubnahaan in ay la soo tashtaan madaxweynaha, iyagoo la filayo isla galinka dambe ee maanta in ay dib ugu soo laabtaan Jowhar.

 

Wariye
Abdifitahaam Ahmed
Rocherster Somali TV
Mogadishu - Somalia