Madaxweyne C/ hi yuusuf ayaa sheegay dibu heshiisiin uu dhex dhigo Caalamka isaga iyo raga ka soo horjeeda ee ku jira dowladiisa, balse wax dibn u heshiisiinta u baahan ay yihiin dadweynaha.

C/laahi Yuusuf ayaa si weyn sharaaxad uga bixiyey sababaha uu u diidan yahay dib u heshiisinta , isagoo sheegay in taasi haddii uu aqbalo ay macnaheedu tahay in wixii lagu soo heshiiyey aysan jirin, dowladana ay burburto.

Madaxweyne C/laahi Yuusuf, waxa uu sheegay in iyaga xubnahooda iskhilaafsan ee dowlada ay xaq u leeyihiin in dhexdooda ay ka heshiiyaan oo aanay u baahneyn gacan shisheeye.

C/laahi Yuusuf mar uu ka hadlayey raga ku jira dowladiisa ee mabda ahaan ka soo horjeeda siyaasadiisa, waxa uu sheegay in ragaasi ay yihiin falaago, iyagana ay yihiin dowladii Soomaaliyeed, isagoo sidoo kalena ku tilmaamay Muqdishu in weli tahay goob amaan daro ay ka jirto, uuna ka shaqeenayo sidii loo abuuri lahaa jawi nabadeed oo dowladu ay ku shaqeyn karto.

Madaxweyne Yuusuf waxa uu gaashaanka ku dhuftay in talaabada lagu mamnuucay in diyaaradaha Kenya ay ku soo degaan garoomada Dayniile iyo Ceel Axmed ay kicin karto colaad sokeeye, waxa uuna sheegay in talaabadaasi looga jeedo in lagu adkeeyo nabadgalyada dalka, isla markaana buu yiri waxa laga dhoofiyo garomadaasi ay sharci daro yihiin.

Waxa uu sheegay in furnaanshaha labadaasi garoon aanay wax faa’iido ah ugu jirin shacabka Soomaaliyeed.

muxyadiin cali jimcaalle jakuula

jakuula@hotmail.com

muqdisho somaliya